نوايا القلوب..

٤٠

يسعد مساء الغالين♥️

....

ميس..

فات يسبح بدلت بشي خفيف وناعم رتبت نفسي واتعطرت ورحت أرتب النا شي للسهرة يومية نگعد نتابع فلم قبل لنام

قهوة وقطع كيك
وي كرزات وحبشكلات العرسان الجدد
لسه ماكو جهال يگلبوها للطاولة

الهسه الحمدلله مابادية عندي النساوة القوية
واني احضر بالقهوة ضحكت

عمار بالبداية ممصدگ اعرف اسويها بأيدي وتطلع طيبة ومضبوطة وحتى الطبخ اول ايام يگلي الله عليج طبخج لو توصيل من اهلج

الحد ماصار بعينه يشوف طبخي ودائما يشجعني
مرات اضحك اكله يعني چان ابالك مااعرف اطبخ وارتب وخاسر كل هالخسارة بأثاث المطبخ وتجهيزه

يگول

..اكيد من روتين التجهيز اجهز مطبخ بس طبخ مخلي أبالي بنات هالوكت أغلبهن مو صديقات وي المطبخ
اشوف امي من تسافر لو تزور لو تعمر
نجيب الاكل من بره لأن الوالد ميحب العاملات بالبيت ميأمن الهن وخواتي وام علي هم مايعرفن

فهمته

طبعنا احنا اغلب أوقاتنا نخلصها بين دراسة والبيت دائما قريبين ع امهاتنا كلشي نتعلم منهن ومرات نبدع أكثر منهن بطبخ معين
اليوتيوب ميخلي وحده متعرف

قطع افكاري صوت فونه هوايه رن

مكتوب

.ام رونق

هذه اخته اتصلت أكثر من مره حاجيته

..حبيبي فونك صار هوايه يرن من فتت الهسه

گال

.. انطينياه

انطيته دز رسالة ونطانيها مفتوحه ما غالق الشاشة

كاتب

..بالحمام اريد ابرد راسي واهدأ اطلع واحاجيج

رادتله

..لتضوج ولتخلي بالي عليك

صعدت بالمحادثه عرفت اكو شي مضوجه
هم متراسلين قبل

هي گايلتله

..ع كيفك من تسوق لاتضوج هو راد يضوجك مو اكثر

راد عليها

..ليش مو ابنه ابن مرته اني من اگول من البداية هو يفرق بين الكل وبيني بتعامله تگلولي لا وانت تتنحس
وعنودي

..مايفرق بس هو لأن يشوفك تميل الأمي أكثر وچان يحب المرحوم برحمة الله صح ولأن جبيره هم ويسمع منه رادك تصير مثله انت تعانده ع طول

..وانتن بناته وأزواجن ولد اخوه اعرف زين اني شنو ؟
ساره لتبررين حچايته للموت ماانساها
اني رايد منه ورث اجيت فرحان ردتكم تشاركوني فرحتي مو اكثر
منتظره يباركلي  يروح يگلي لاتفرح ماياخذ ورث ولا يحصل فتفوته بحال ورثه هو خل يصير والله مارايد شي منه
اني حتى العندي اعرف لو ماامي مااحصله