نوايا القلوب..

٤٥

يسعد مساكم بارت طويل بدون مراجعة ..

يحال طلوگ عمية وجاهه خطار
مشيت ومادريت شصار ماصار

....

ميس...

عند اهلي منا كلوبنا نار ع شبا بعد مطالعة من العملية طولت هوايه

ومنا مامصدكين امل قررت تنهي حياتها بهالطريقة ابد ماجان يجي ابالنا تحرك نفسها ووين ابيت زيد المسكين

خلت عمتي اسيل ادگ وتلطم مقهورة على ابنها الي بالقوة يلا قنعته هي وولد عماتي يأسس بيت وكيان خالي من اي مشاكل كافي العاشوه هو واخوته كالتله حافظ ع ولدك لايتيهون منك ومايفيد الندم بعدين

وهاي بالاخير يلا سمع منها ومنهم

بعد مابجت وانقهرت

اتصلت بي تريد تخفف عنه كالتله اجيك اشوفك كالها اني بالمستشفى مايحتاج تجين دعائج الي كافي

احس الحاجز بين عمة اسيل وولدها ماممكن يتخطوه ومن جانبهم اكثر شكد ماتتقرب الهم يبعدون عكس البقية من ولد عماتي
ولو هم  ميلحگون علي واحمد عمتي سهام مخلصتها بينا وبينهم يحسسوها من تجينا وكأنه مانايمين يوم بغيابها
كل شويه متصلين اشتاقينا ارجعي الحد ماعمي لو الوالي يرزلوهم يلا يبطلون بالضحك يعاندوهم
وهي تكول مااكدر ابقى اسبوع ماشايفتكم بايته ليلتين يمكم

اما اسيا ياخذوها وياهم زيارات مطاعم طلعات خاص الصغير
بكل الاحوال يبقى تواصلهم افضل من ولد عمتي اسيل وي امهاتهم

بساعة خبر امل التمينا كلنا على عمتي اسيل نهدي بيها

نجذب اذا اگول ضجنا لو انقهرنا على امل بالعكس هاجت مواجعنا مامخليه ذكر طيب بگلوبنا كل طعنه منها وموقف مؤذي مر علينا
بس هم مااتشمتنا محد يعرف شضاملنا وشنو النهاية
ولحدة الحسيت اكو فرحه اخلي وشماته استغفرت ربي  ودعيت بحسن الخاتمة النا والاحبابنا

ورجعنا نتصل نريد نعرف وضع شبا
ماردو

عمي حازم نزل يسأل ع شبا كلنا بعد مطالعه

سأل

.. شبيكم مخبوصين وشبيها اسيل

كلت

.. امل اخت عادل حركت نفسها

بدون اهتمام گعد مرتكي ع الحايط

كال

..الظاهر استعجلت على جهنم امل شجاريلها حارگة نفسها هم غم

ردت جدة مقهورة وهم تخاف عليه

..استغفر ربك يمه وكول الله يبعدنا ويمن علينا بالاحسان الشماته مو زينه

ومثل عادته من يحب يعاند جدة
كام جاب العود وكابلها يغني

بالبداية مااهتمت غلست عنه مالها خلگ
من وصل المقطع