نوايا القلوب..

٤٨

يسعد مساكم حبايب♥️

...

شبا..

كالعادة اني شغلي الشاغل بهالفتره عابد 
الظهر ينام ساعة من يرجع من الشغل وبعدها يگعد يتصل بيهوقت الظهرية كله نخلصه سوالف
ع غزل ع چفصات مني يحبهن

يمكن اني الوحيدة الاخذت راحتي بالخطوبة حتى اسراء جانت تترزل مو مثلي من تمصخها وي حسن مثلي هسه احس روحي امصختها ومستمرة
بس سكوتهم بسبب ثقتهم بينا وخاص عابد ويمكن مراعين الحالتي هم لأن لا دراسة رجعت الهسه ولا عندي شي يشغلني .

المهم اني مثل كل يوم
قبل نزلة الوالي وجية عمي باسم يشربون
چاي العصر يم جدة وبيناتنا سوالف نقاش شغله عدهم يبلغونا بيها بكعدتهم هاي
وبعدها يطلعون اني قبل جيتهم  انهي الاتصال وهو هم
يجهز نفسه ويرجع للشغل
وبالليل اغلب وكته هو وبهاء صارو يخلصونه يم عمار بهالوقت نتراسل

وهالفتره مايرجعون البيتهم اغلب وكتهم يباتون يمه

اليوم بلغني باتصاله ان البارحه اهل عمار امه وابوه جايين البيته ورافض الصلح وياهم
گايلهم

.. تعبت منكم ومن مشاريعكم ومشاكلكم كلشي مااريد غير اعتزلكم وارتاح الي سويته بضغط منكم واستغلالكم الأصعب الظروف دفعت ثمنه صحتي وعائلتي خلوني اعيش مثل مااريد ماالكم شي يمي ولا الي شي يمكم انسوني مثل ماناسيكم اني

عابد يگول

..الأب هالمره جايه بغير طريقة جايه متوسل ان انت صحتك تعبانه بسبب طليقتك واهلها مانگدر نتركك قريب منهم ينتقمون منك ويقهروك ابناتك
اذا متريدنا براحتك بغير منطقة اگعد واخذ مرتك وابن اخوك يظل بيني وبينك يوم يمك ويوم يمي مااكدر افاركه
بس مرتك مكانها يمك اداريك بصحتك وتراعي الله بيها وفرصه بشبابك تخلف منها ولد لأن مرضك ممكن بعد كم سنة يزيد ويتعبك اذا ظليت قريب منهم وحتى ولد مو باستطاعتك تخلف

متخبل عمار

كايله

.. تبقى دومك هيج بعد مااستغليتني تريد تستغل بنت اخوك هم ووصية ابنك المطيع الك والمدلل الي مايوم رفضلك طلب تريد تخلي امانته خدامه الي بس حتى اخلف منها والورث مايروح الاحد وتعرف كلش زين مااطيقها ولا راح بيوم اتقبلها مو مهم عندك
انت بس موت وشوف منو ميت ع ورثك

بالأخير متغالطين بينهم وطارد الأب والأم هم زعلانه وكايلها زعلج بعد مايأثر بيه ولو ماترضين احسن
لا تتصلين ولا تراسلين لا ارد ولا راح ارد
اخر وحده جنت اتوقعها تطعن بيه انتِ كل السويته وگلت ميخالف تبقى امي بس مال بوقت الي محتاجج تكونين طرف يسعى للخير ترحين تگليلها خل يخلف منها وارضي واقتنعي بسببج بدل ماتركت الامور الحد ماتهدأ اصرت ع الطلاگ بيومها
بعمري ماانسى طعناتكم واقواهن انتِ