نوايا القلوب..

البارت الأخير

يسعد صباحكم بكل خير حبايبي

اليوم اختم وياكم القصة واني اشكر متابعتكم
واعتذر عن تقصيري بسبب ظرفي
ممكن تكون هذه القصة الاخيرة الي واتمنى يكون ختامها مسك
وممكن الله يكتبلي وارجع وياكم مااعرف اتركها للوقت

البارت هذا عوض عن ثلاث بارتات اكثر من ٨٣٠٠ كلمة

بس ماحبيت اطول وازيد عددها كأرقام

اتمنالكم لحظات سعيدة وقراءة ممتعة
راح اشتاقلكم ووللبطلات هم ❤️

....

أسيل..

العصرية توني راجعة من شبا هامت واتعلعلت روحي بالذكريات اليوم اتعمقت حيل وهي تسمع وتسجل كلشي صار ويانا وبالتاريخ ورغم چانت تعرف وحاجيه الها بس هالمرة زادت اكثر وانه مثل طبعي مااحب ارفضلها طلب بنت اخوي وفرحته وغالية گلبي اللاحها ضيمي وعميت عليها انه هم مثل ماعميت ع ابوها هم

سألتها

..شجاج عمة اليوم تبحوشين جديد وقديم

..ارد اكتب قصتنا احس بيها هوايه عبر خاص هوايه انخذلنا

..شتكتبين ياعمه وحده اثنين

..اذا اريد اختارلها عنوان يختصر المريتو بي شنو يكون
اني هسه هيج اجمع معلومات والتفاصيل اذكرها من تعدي هالطلايب الجديدة بس استحيت اتراجع لأن حاجية بتفاصيلها قبل الصار

صفنت عليها
..يا وانتِ صدگ ناويه تحجين قصتنا وتردين عنوان ماكو عنوان يوصف الشفناه خذلان قابل وگفاتنا  والنية البيضة الي اتعاملنا وياهم بيها ردوها بنية سودة مبيته ..والكرم كرمونا اضعافه بجروح وطعنات اخخخ يا عمه شذكرتيني خل اگوم احسن ولاتشغلين بالج بالراح بعد عمري انتِ هسه سعيدة والله كاتبلج نصيب حلوو زوج اصيل ورجال من رجال مدللج ويحبج ويخاف عليج اخذي الدرس والعبرة وتركي التفكير بالماضي صيريله عون مثل ماصارلج وربي يگومج بالسلامة ويفرحني بيچ

حضنتني وهي تشمني كل عقلها مثل ماچانت جاهله تدفن راسها بصدري

..افييش عمة اموت عليچ اني النصيب الحلو منين اجاني من دعواتجن الي

..يابعد عمتج ..بالج من نفسج

رجعت التفتت الها وانه اعدل عباتي

..شبيه وحق هو الله اذا لگيتج مسويه شي وشايله ثگل اخلي عابد ينتف عطوبج لو ماملحكه عليج تردين تجرين ميز الطعام چا شو شصارلچ
انتِ گعدي وسكتي هذا الكرسي لاتشيليه شو هو موصيج يشيل كل ثگل مكانج واحنا هم هالعيارة شنوو

..لا والله عمه مو هواي شويه بس ازحزحه

..كلشي لاتسوين اكلي واشربي ونامي بس شو كلنا يمج وكوم نسوان شنو فايدتنا