نوايا القلوب..

٣٥

يسعد اوقاتكم حبايب ..

....

قيل

الحسد أول خطيئة ظهرت في السموات، وأول معصية حدثت في الأرض

.....

مااعرف عابد شنو مسوي
نهى الاتصال من ابراهيم

اتصل على عابد مارد عمي سأل

.. شبي عابد

گله

.. مادام مايرد وراه سالفة شفته يم علي وطلع طلعت وراه ردت افهم گال بعدين افهم وصيته ينتظرني لگيته طافر

علي يحجي شكل وهو شكل

فات جوه مجتمعين ننتظر النتائج

الروابط التنزل كلها وهمية واحنا القلق ذابحنا

ايسنا نشوف الدرجات هسه وظلينا نقنع مؤمل ينتظر الصبح

ويحاول ينام بس هو منو منا يگدر ينام اصلا

گوه انطى العمي علاجه حتى ينام شوي

عمتي اسيل سألت ابو تمار

..شعجب رحت العلي

گلها

..عندي كم معلومة عن مجموعة واريد اعرف الاخبار منه حسب منصبه ووظيفته سهل يوصلها

..عن خوات مهجة

..تقريباً

..عمه قنع مرتك تنسى هسه يجي يوم وتعرف عنهن لا تدخل بمشاكل وياهم وهم ناس مايخافون الله وامهن صايره أتعس مدري شچالبها كل مااتذكر من اخذناها شلون چانت ساكته شغيرها هيج ماادري

..الاحساس بالنقص عواقبه سلبية عمة تجرد البشر من ضميره واخلاقه مرات
لهذا السبب الظلم حرام بكل صورة لأنه أداة تهديم للمجتمع اتوقع لو عايشة حياتها طبيعية ماوصلت الهالحال

..انظلمنا عمه وشفنا المر مانسينا ربنا ولا اتمنينا الظلم
الغيرنا

..اساسجن صح عمه التربية الها دور اذا البشر عنده قوة وإيمان مستحيل يظلم يعتبر الي صارله امتحان عقول الناس متفاوته بتفكيرها
وأنه ترى مو بس علمود مرتي اول وتالي شتريد تعرف عنهن غير اتصال يريحها بس أنه واصلتني معلومات خطرة مااريدها تعرف عنها واريد اتأكد من صحتها حتى اعرف ارتبلها صح وأبعدها نهائي

..الله كريم الله يكفيكم شرهم

..وينها مهجة

گتله

..يم عمي صعدت توها رادها ترتب فراشه وتصعد وياه حتى ينام أخذ علاجه وبعده قلق ع النتائج رغم يبين روحه مامهتم

حاچه مؤمل وصعد

ورغم هالمنغصات الي تصير بس الحمدلله كلنا فرحانين الفرحتهم نشوف انسجامهم هدوء عمي الي يبين راحته واستقراره حتى صار يوصي مهجة بأبو تمار
وعمي باسم كل شويه يگله