يسعد اوقاتكم حبايب
اسألكم الدعاء بتسهيل الأمر ♥️
ربي يسهل امورنا واموركم اجمع
اعتذر اذا اكو أخطاء انتو اتعودتو ع السحگ 😁
....
ميس..
بگد فرحتي بعماى وبحبه وإصراره وشلون اتمسك بيه وحارب الأجلي عن قناعة
خاص هو عاجبني من البداية شخصيته حلوه مرح وثگيل وفارض نفسه وهذا الحبيته بيه زاد حبه أضعاف بأهتمامه الي واضح للكل ماممكن يخفيه
بالبداية استغربت إعجابه بيه رغم اكو غيري يظهرن اله اهتمامهن وجميلات هم اني صح ملامحي حلوه وجميلة ومناقصني شي بس ابد مااتقارن بيهن من ناحية الزينة وإظهارها واهتمام اغلب البنات الي بعمري وهذا بسبب التزامي وهالشي مريحني بالدوام الكل يتعامل وياي بحدود واحترام
هو الوحيد اتجرأ وحب يتواصل ويتكلم
ومن زاد اهتمامه واتوضح گلت يمكن شاف البنت الي تناسب وضعه وأهله وطلع العكس صحيح خواته وبناتهم وضعهن يختلف وأبد مو يم اطباعنا يعني اكو اختلاف ظاهريا معقولة حبني الشخصي بس
شنو الشافه مني جنت متخوفه الحد ماعرفته وتأكدت من حبه ومن سألته بعد العقد گال
..الي يحب ماينسأل ليش لأن هالسؤال تلگيه سائله النفسه أضعاف ومالاگي اجابه
مااعرف شلون وليش كل الي اعرفه وضعي كله يتخربط من افكر بيج من اتذكر ملامحج وعيونج الناعسة هدوئج اتزانج صوتج الي يعزف على اوتار روحي احس أنتِ نعمة ورزق واجب اسعى الج واحصلج واشكر ربي عليج
كل مااتذكر كلامه والنبرة الحلوه بصوته وهو يحجيها احلق للسما
و وي كل هذه الفرحة والشعور بداخلي اتگطع ع شبا
شبا مو بس اختي قريبة الي حيل روح البيت وضحكته واجمل وحدة بينا
عزيزة الوالي وعزيزة ابوي الله يرحمه والكل صار يشوفه بيها من صغرها هي عزيزة الكل من صغرها مدللة عدنا وخوفنا عليها واضح خاص الوالي
الي جاي تعانيه مو سهل مرضنا النا هم ضعفت حيل بسبب قلة اكلها انعزلت واتغيرت احس فرحتي ماتناسب كسرتها ظلت غصة بداخلي الكل شافها بيه
فرحتي چانت بيها غصة ومكسوره
حتى المهر كان حفلة تلبيس وتصوير فقط لا غناء ولا رقص هو أهله رغم كلشي الهسه حزنهم واضح على اخوه مبين چان حنين عليهم وتأثيرهم باين
وامهاتي يستحرمن هذا سبب
والسبب الأهم كلنا مدارين وضع شبا والي زيد قهرنا موقف خوات ابراهيم وعماته
لأول مره زهراء تشكي منهن ومقهورة حيل جانت لأن متقصدات بكلامهن ورغم هو گالب البيت عليهن وماخذ موقف ومو ساكت هي فضلت تجي
وماتحترم وجودهن مثل ماهنه مااحترمنها
اساسا يعرفن مهري اليوم وعزمتهن البيتنا واتعذرنها بقت مجبورة الخاطرهن ماريد تتركهن لأن لأن جلسات البيت اخوهن بيتهن ولو ماموجود هي مكانه
من عرفت النية شنو تركت البيت الهن واجت النا
وهذه اول مره تسويها
أنت تقرأ
نوايا القلوب..
عاطفيةقالت لي جدتي ذات يوم لاتؤمن شر الناس قد تظهر المحبة بوجهك وهي وتحمل من الكره والعداوة الكثير اجعل بينكم مسافة تؤمن بها نفسك ولاتكن كمن سبقك لأنها ستظهر وينكشف لك عدوك فأخفائها طويلاً لابد أن يظهر ويجعل من العوائل المترابطة أعداء لسنين تمتد عداوتهم ل...
