نوايا القلوب..

٤٢

يسعد صباحكم حبايبي ..

اتمنى تعذروني بسبب صحتي اتأخر اتحملوني حبايب

وادعولي  اتحسن تماما بهالايام واختمها بأحسن واسرع ختام

....

شبا...

عيني صارت ع الساعة الوقت متأخر

وهو يهدد ارد لو ينزل يدگ الباب

كتبت

..ياباب شجابك بهالليل

انتظرت الرسالة وخايفه يدگ الباب يسويها والله عيب من الوالي وعمامي احس روحي اليوم محط انظار خاص الوالي مايعرف شصار من كلام ويتصور جيته غير

رد

..شجابني غير گلبي شوكت تقتنعين اني احبچ
وراحتج كلش تهمني جاوبيني رحمة الأبوچ الشهيد
بدون اشلاع گلب خلينا نحچي

اتصل وجاوبت

..علويتي وياي انتِ

مدري شبي گلبي دگاته خبلتني ومدري شكم رمشة رمشت احس مو بس اديه رجفت كلي رجفت من سمعت صوته ورغم بالرسائل جان يبينلي هو عصبي بس صوته ثيتلي العكس چان هادئ كلش احس بث الهدوء الروحي

..وياي انتِ وتسمعيني احس بيچ وياي وتسمعين بس اريد تحچينها وتگولين اي وياك چا هم صعبة هاي!

ابتسمت على ابتسامته صح ماشفتها بس حسيته من خلال كلامه جان مبتسم او ضاحك

گلت

..وياك والله جاي اسمع

..الله يحفظچ الي وينتقم من كل شخص اذاچ واذاني بيچ

سكت لحظات وبعدها انطلق

..علويتي والله حاس بيج بس خلينا نتفق الي مر عليج ابتلاء وامتحان وانتم اهله اذا ابن عمتج او اي نذل غيره هي شني ذنبها ترى الي يحبوج ضمو حتى لا تتأثرين والا هو انحكم وهي هم مو سهلة عليها هالله هالله بيها

واذا ع الحچي من نسوانا ينگص السان كل وحدة تجيب طاريج خليج وياي والله اغنيج عن الدنيا كلها

حشاج
اكو نوعية من النسوان مايرتاحن الا ينهانن وهذا الي صار جبتهن مقدرهن ورجعن خوش سويت بيهن وزلمهن هم ماقصرو

رديت بصوت راجف رجع الموقف ابالي وحچيهن المشكلة اشوف وياهن الحق اني ماالائمه قبل اي جنت هاويته وافرح بي بعد الحادث اكو غصة واخاف اظلمه وياي

..ترى حقهم بالحچوه

..لا مو حقهم على يا اساس يدخلن مهما چان وصلهن بيه اهلي ميخالف ع الراس بس توصل الحياتي الشخصية واختياراتي مامقبولة اي كلمة منهن
وانتِ حظه عالي اليحضى بيچ وياكبر حظي .

مااعرف شرد عليه ومدري شبيه وجهي صار نار دگات گلبي خلتني الزم حافة چربايتي واتمسك بيها بقوة عبالك فقدت ثباتي وتركيزي وكأن الجاذبية اتحولت من الأرض المصدر صوته