يسعد مسائكم ♥️🌸
...
شبا..
طول هالأيام اني فضولي ذابحني شنو شكلها مهجة مثل مايوصفها عمي تشبه شكل امها بنفس عيونه
حسب مايذكرون امها صح سمره حيل بس ملامحها جذابه من النوع الي يسحر العين ويجذب شكلها
عدنا صور الها وي صور عماتي قبل وشايفتها بس ماجاي اتخيل شكل مهجة زين
وهم اريد اعرف طبعها شلونه اذا على طبع امها مو خوش الي فهمته عن امها من خلال الي يحجوه من النوع التتمسكن الحد مامتتمكن
وهذا النوع كلش مااطيقة
والله هالمهجة أكثر شي شاغله بالي هالأيام
وانوب عطلة ماكو شي يشغلني عدا شغلات بسيطة
ومؤمل هناك من أراسله يكلي زينه وكل سؤال اريد يشرحلي بي شعوره أو طبعها وشعورها يردلي عادي
يريد يصير نسخة من ابو تمار باجوبته المختصرة
اووف والله متت زين خواتي الكبار شصار عليهن لو يكلن الابو تمار نريد نروح نشوفها محد تگله واني ما اتجرأ مبين مزعوج ومشغول باله
ومنا عمي احمد وإبراهيم وإخوته وولد عمه شاغليه وقلق عليهم وكلنا احنا قلقين وندعيلهم والكل شاب غيور شارك بتحرير البلد
التلفزيون من اريد اغير بي جو هم كله اغاني حماسية للجيش والذهبيه والحشد و رغم حماسها أحسها تغمت الگلب
هذا غير اصدقاء بابا الله يرحمه الي أغلبهم التحقوا واتولو قيادة معارك ابعض المناطق وهو كلش يحبهم لأن ماتركوه ابد وي كل مصيبة چانت تصير ومحاولة حرگ المحله مره وتسليبه مره ثانية وأكثر من مره حاولو يقتـلوه لولا لطف الله وكشفه الهم
هم جماعة ابوي شكد رادو يدخلون وكلوله بشكم قاذفة نگعد بيت عادل ع الي بيه ولاتهتم ذبها بينا وعلينا ومعليك بس هو رافض رفض قاطع
مايريد أحد غريب يدخل وهم دائما يذكر وصية ابويه اله الي مااعرف مضمونها بس من يتناقشون يكول وصية ابوي أبالي باقية
و مااوافق غريب يدخل وهم مرات أحسه يخاف يقهر عماتي لأن عادل النذل كل ما عمي احمد يهدده ويگله البيدي يجيب اجلك ويخلي موتك يصير على ايد جماعتك مو غيرهم
ينكر ويكول اني الي لازم الشباب عن ثار عمهم وابوهم عشر شباب گوه مسيطر عليهم يقصد اولاد عماتي ويسوي نفسه جاي يعاني بينما متأكدين كل تحركاتهم بدعم منه وترتيبه هو خطيه عماتي يشبعن قهر خاص عمتي سهام
تگول ماوگف ربا هاشم بعينهم رباهم أكثر من ابوهم ماغزر بيهم زاد ملح موقف احمد وعلي الچانو مايفارگونه شلون گدرو ينسونه بهالسهولة هم مو صغار بعمر عمي باسم احمد أو أصغر من بأشهر اقل السنة يعني
الوالي هم مايسكت عادل هواي يشكي العمي احمد منه ومرات عمي احمد يحييه ومرات يگله خفف اتركهم العندك مسؤولية چبيرة لاتأمن الغدرهم
أنت تقرأ
نوايا القلوب..
Romansaقالت لي جدتي ذات يوم لاتؤمن شر الناس قد تظهر المحبة بوجهك وهي وتحمل من الكره والعداوة الكثير اجعل بينكم مسافة تؤمن بها نفسك ولاتكن كمن سبقك لأنها ستظهر وينكشف لك عدوك فأخفائها طويلاً لابد أن يظهر ويجعل من العوائل المترابطة أعداء لسنين تمتد عداوتهم ل...
