نوايا القلوب..

٣١

شبا..

ابو تمار بعصبية يحجي وياها يکلها

..وأنتِ مصدگه روحچ أم وتردين اطلبها منچ لاتخافين عليها منا خافي من روحچ اذا تهمچ صدگ ترى آنه گوه مصير روحي عليچ

عمتي اسيل حاولت تاخذه تحاجيها هي ماقبل گلها ختولي مااخليج تحجين وياها

هالكلام هي وياه ع الخط وتسمع

اخر شي گالتله مهرها وين لو ماخذها هيج فصلية

جاوبها مستهزأ

..وشتردين بمهرها اطلعين ابن رجلج المسجون هنا لو تساومينها بخواتها لو تسد ديونج
الاعيبچ كلها كاشفها سكتتلج هواي وكثرن عليچ
ليش تخليني اتعنالج واطلعهن منج وحده وحده

صاح

اسمممعي اسمعي گلت لاتحچين

..اعرف الترديه منها  واخذتها آنه وهسه هي زوجتي  تخصني الي مامسموح لا الج ولا الغيرج يهددها وهي بحمايتي اليوصلها مارايد روحه الله شاهد انهيچ أنه خاطرها الي مسكتني عنچ بس

يعني شتريدين

بزواج ماتفيدج بعد ومهرها يتسلم بيدها وتصرفه على نفسها الآخر فلس
بطلي اسلوبج هذا كافي مو كبرتي
دخلناچ البيتنا من سنين اجيتي على اساس فقيرة وبنت اوادم اكو واحد بينا ماقدرچ الحد مابينتي على حقيقتج
وشمدرينا بنواياج شنو احنا
النية بالگلب وگلبج اسود خربتي ماعمرتي شصبرتي ألي يسمعج يصدگ دطيري أنتِ وصبرچ مااريد أتجاوز أكثر واوصخ الساني بيج

شوفي أنه مالي خلگ وطولت وياج خلگي حتى منا وتنهيها كافي ملحة

ياابن هذا التردينه عندج ولد يمنا من شوكت

مااعرف شستفزته رجع سبها امي گالتله

..لا يمه لاتستفزك انهي الاتصال وختولي تتحمل ذنب عليمن

غلق الخط لأن ذيج گامت تعد وتصف ماادري شنو تحجي بس صوتها عالي من سماعة التليفون هي هم اعصاب مبينه

انتبه النا

گال

..مهجة وين خو ماسمعت ؟

عمتي گالتله

..بغرفتها ريام وميس يمها ماتسمع

گعد تعبان سألن شجابها عليك گال

..تليفون مهجة يمي وغالقه هي مالها خلگه ومن إيست منها اتصلت عليه رقمي عدها من زمان

حاجته بقهر عمتي اسيل

..وشتريد هيج مجزعتك المثلها وإذا صدگ وتهمها صدگ بتها تشكرك وتدعيلك تدري بحالتها هي وتشخيص طبيبتها والصار

..ماتدري لا ..مارضت تحجيلها بتها وحتى لو درت ماتهتم هي باتصالها تنطيني علم خطابه جايين المهجة وتريد ننطيها وتهدد تگلي انطيها احسن من الهوسة والمشاكل البيك مكفيك انتم مارايدينها كوه وديتها الكم ذوله مال وجاه وأيدهم واصله بالعراق وهنا يمنا بسوريا ورايدين منا القرب شافونا ناس طيبين يجوز هم تمثل عليهم الله اعلم شدريهم العالم بيها