نوايا القلوب..

٣٠

يسعد اوقاتكم بكل خير وهذا بارت باجر تكعدون الصبح تلگوه جاهز 😁

....

ابو تمار..

التحقت وبالي يمها وهالمره ماوصيت عليها خفت يركزن عليها وتنفضح محد تعرف تتعامل وياها حتى امي ماعدها فكرة عن الادمان أما أنه عايشته وي عمي وعانيت هواي قبل سنين الحد مااتعالج رغم حالته جانت اخف بهواي لأن العلاج بحاجته هو وزيد نسبة قليل مو مثلها ماتحتاجه اصلا
وطبيبة انتبه عليه من وكت عكسها هي چنا غافلين عنها الحد مابدت تاخذ بكثرة ولو ماعمي وطلبه  نجيبله علاج باستمرار حتى وي غرابة تصرفاتها مايجي أبالي تاخذ جرع منه

لأن مرات أحسها تتعمد تحجي وتتصرف تصرفات مو منطقية الغاية منها استفزاز أو لعب بأعصاب المقابل تحب تربك الي يركز وياها أو يحاول يفهمها
بس زادت حالتها وتقلباتها السريعة شككتني

كل شويه اتصل بمؤمل الي همل دراسته بهالأيام  وانشغل بيها اتندمت لأن دخلته بس ماعندي غيره خوفه عليها يجبره يتحدى كل ظرف متأكد من حبه الها راح يجبره للتعامل وياها تبقى اخته ويحن الها

شفته متعذب توصل بي مرات يختنگ من يحاجيني  يحاول يضيع ومايبين خنگة صوته عرفت وضعها متأزم حيل وضاگ گلبي وعقلي اتشوش
حتى ابو انعام وابنه اتصلوا بيه أكثر من مره يردوني اضيفهم اتحجج بالدوام وماكو فرغة منه وأنه من الأساس مالي واهس بكلشي تركيزي فقدته وأغلب الواجبات حسين يساعدني بيها

بيوم اتصل مؤمل بالليل بجزع گال

..الوالي شوفلي حل مااتحمل أظل اتفرج هيج
امنعها من الاتصال بأمها خلي عمي باسم يدخل أنه نصحتها تتركها وماسمعت مني بالها يم خواتها
جاي تتخبل مهجة

بعد كل مكالمة اشوفها شلون تتعذب وتأكدت تصعد تروح تاخذ علاج ابوي بعد كل اتصال حتى لو  قبل ساعة ماخذه منه تعرف شني يعني يعني إدمانها متقدم وع الأغلب من اول اشهر اجت بيها هي تاخذ يعني صار ثلاث سنين تقريبا مو منتبهين الي خلانا ننتبه هسه كثرة استخدامها اله

..متوقع هالشي انه ليش خليتك تراقب
اهدأ وركز وياي اعتمادي عليك السبع انت
أنه مااگدر اجي هسه توني مداوم الأريده منك تحاول تفهم امها شني الي تريده منها وليش هيج جاي تتعب
اذا صارحتك اوعدها انت تساعدها وأنه وياك ويظل بينا ماقبلت تحجي يبقالك خيار خلي برنامج تسجيل بتليفونها مخفي حتى نفهم الي يصير
أنه ادري التجسس حرام عليه بس بوضع مهجة سكوتنا عن الي يصيرلها حرامه أكثر

مهجة ورطت روحها ودمرتها أنه قبل فتره فرحان بعلاجها من الانفصال عن واقعها تطلعلي بسالفة ادمان هالحبوب احتاريت بيها والله وما گادر اتخطاها گوي گلبك وخليك وياي

رد بحيرة

..انصحني..  شسويلها يعني
انت شلون خليتها تحاجيك وتكون قريبة الك بلكي يفيد وياها علمني