نوايا القلوب..

٥٢

يسعد اوقاتكم حبايبي ..

قيل :

أسوأ مكان في الجحيم محجوز لهؤلاء الذين يبقون على الحياد في أوقات المعارك الأخلاقية العظيمة.

اللهم نسألك بلاد مسرى الرسول واولى القبلتين لاقوة فوق قوتك انت القاهر لعبادك فاحفظ شعبهم وامن روعهم اطفال ونساء شيب وشباب يقتلون💔
عاجزين نقدم شي الهم او النفسنا غير الدعاء وعندي متابعات من فلسطين وغزة من بدايات كتاباتي اتمنى هم بخير ♥️

.....

شبا ..

مافهمنا من الاتصال شي بس قصد عمي واضح يقصد اخت عمار اكيد سمعت بالخطوبة وراحت هناك اتهجمت عليها

اوووف لو يوگعن بيدي ذني بيد زهراء مهجة مو ميس جنها امي ابد ماتحب تتصادم وعدها سر القوة الصبر والتخلي عن اي محيط يسبب اذى او الي تحس نفسها ماتنتميله

والله لو اني منها اكسر عيونهن وغصبا عليهن ارجع الزوجي اني وبناتي وخل يموتن قهر

الله لايوفقهم شلون انهبطنا بسببهم والله متت خوف خطيه مؤمل عباله كتلتلها شخص بالغلط لو انطت تحليل خطأ واتسبب بمشكلة الها رغم سخافتهن وقلة ادبهن بس هذه ارحم من الي ابالنا

نزلت مهجة وبيدها مسدسات اثنين ومخازنهن كوه لازمتهن مبينات ثگال ع ايدها  اخترعنا من شفناهن

جاي نسأل شيسوون بيهن وليش
فاتت ميس ووراها مؤمل نسأل بيها شكو وشبيج وشصار

ردت

..انطني مي ريگي يبس

..شنو شصار وياج سارة مو  شجابها الج

شربت مي وگالت

.. وحدة ادبسز بدت تحجي تريد تشرط وتتأمر ومن ماانطيتها مجال
صارت تتجاوز ومن صديتها لمت الدنيا وخربطت نفسهاوملابسها تگلهم

.. ضربتني

وگامت تصيح 

..سحرت اخوي وحرمت ابوي وامي من وحيدهم واجيت اترجاها تطوي صفحة وتخاف الله بيهم ضربتني

انوب مدري منين جابت الدموع وتصيح ضربتني الماتخاف الله

لو تسمعن صوتها وحجيها لمت الموظفين والامن
تگول مااطلع الا افضحچ

وتصيح بصوت عالي تحسيها مهضومة ومظلومة
تگلهم

..هاي المؤمنة الي مسويه روحها متدينة وشريفه
تفتر بالسحارات وتعرفون التلزم دروب السحر شتنطي !

ابوي وصل الموت ماخلت ابنه يشوفه امي الجان ماينام اذا مايشوفها مرتاحه گطع منها وتبجي ليل ونهار عليه سوته عاق وهو الحنين
وفوگ هذا حارمة زوجته مخليته هاجرها
ماشي اعمه وراها لايعرفنا و لا يعرف اهل لا عشيرة ولا يسمع من عم ولا من خال مگابل بيت اهلها وصاير خادم الهم وياريت لو مقدرته فرحانه ذال نفسه الها وتباوعله بالعين الصغيرة مخليته يتوسل ابابها كل غايتها تذله
منو يتحمل يشوف اخوه هيج ويسكت