مساء الورد 🌸
....
شبا..
چنا منتظرين ابو تمار يجينا اتأخر اليوم واحنا من اول نهاره انشغلنا وي عمه نزلت علينا سخرة اني ومهجة وهي ويانا تشتغل ماخلت شي بالبيت حتى البردات نزلناهن غسلناهن الكاونترات الثلاجة بعدها طلعتنا ع الممرات والثيل رتبناه
عود تريد تعودنا على بعض شفت مهجة شاطرة يعني حركتها مو مثل ممبين عليها تدلع بالعكس مبينه كلشي تعرف
طلعت طاقتها بالشغل اليوم لاعاندت ولا نكدت
وتضحك وتشاقة وي عمه و حتى ويايه بس اني حذره منها مدري ليش احبها ومااريد اضوج منها ومن تحجي ع اهلي تجرحني وانقهر
هي عجبتها طبيعة المنطقة وذكرتلها عمتي احنا هنا بمناطق زراعية وهذه البساتين بساتين جدج وظلت تحجيلها عن ايام زمان شلون جدي وأبوي گدرو يكبروه ويشترون بساتين بصفه وعمروه وبعدهم ابو تمار وعمو احمد وأهله ماتركوه ولا أنهمل
وعرفتها على عمي احمد وأهله وصداقتهم وقربهم منا هسه هم عمام هاشم ابن زهراء ونسابتنا
سألتها مهجة ع البستان شعجب عدكم بيوت بنص العاصمة وتجون هنا و من زمان هم حسب كلامج
عمتي گالتلها هذا ابو الخيرات والگعدات الحلوه الماتتعوض راحت وي أهلها وان شاء الله يعمر بيكم وبلمتكم وفد يوم وأنتِ هناك بينا نسوي سفرة هنا كلنا ونجي مثل عادتنا نحضر انواع الأكل والشرب وعماتج كلهن يلتمن وجهالهن
والبستان اشتريناه قبل جدج يحب الزرع وعنده خير من الله وحب يكبر شغله والبساتين جانت أدر خير تمر برتقال وانواع المخضر وكلمن بموسمه
البيت الگاعدين بيه هسه احنا مخصص للفلح بس الخاطرج اجينا هنا فتره بين ماتتعودين علينا وتفهمين وضع ابوج وهو هم يكون متفهم أن شاءالله
اني سألت
..صدگ عمه الفلح وين هسه
.. ابو تمار يگول عند عمج أحمد غرفة يم ماطور الماي گعدو بيها مؤقت بگيعان اهله يعني
وشرحت المهجة
احنا حتى گعدتنا هناك بذاك البيت فتره مؤقته عدنا قطعة جبيره أخذها ابو تمار بس ماعنده هسه يبنيها الله يرزقه أن شاءالله وتنبني چبيره وتوسع الكل أن شاء الله يكون نصيب العمجن باسم بيها
مهجة ظلت تسأل على عمي باسم وانصدمت من عرفت ماخذ حق ابوي يعني دخوله السجن بسبب ثار ردت بصدمه
..يعني عمي بيو لابو تمار مقتول والي قتلوه مين وليش
عمتي بخيبه وحزن ردت
..كتلوه الامريكان بس الي غدروه اولاد خالته الي هم زوجي وأخوه هم الخبرو عليه
..ولييي وانا دايما تتردد بخيالي هيك لقطات هجوم عساكر وهيك كنت طفلة امي تقلي بتحلمي معقولة ذاكرتي محتفظة بهيك صور
أنت تقرأ
نوايا القلوب..
Romanceقالت لي جدتي ذات يوم لاتؤمن شر الناس قد تظهر المحبة بوجهك وهي وتحمل من الكره والعداوة الكثير اجعل بينكم مسافة تؤمن بها نفسك ولاتكن كمن سبقك لأنها ستظهر وينكشف لك عدوك فأخفائها طويلاً لابد أن يظهر ويجعل من العوائل المترابطة أعداء لسنين تمتد عداوتهم ل...
