نوايا القلوب..

٥٣

يسعد اوقات الغوالي ..

البارت عن بارتين تعويض ..

....

ضحكت على ضحك عابد وبهاء گله تامر امر اشيلك انت وابوك مو بس انت

ودعته ونهيت الاتصال ورحت المهجة هذه ايامها ومن طلعت اتسوگ جبت ويايه كم حاجه ارتب بيهن تشكيلة الاستقبال مولودنا السيد الصغير سالفة عجبتني طاشة وحبيت اكون العمة المحبوبة واخليلي ذكرى حلوه من يكبر يشوفها ويذكرني بيها

متحمسه اكثر من مهجة ولا الها خلگ شي محتاره بنفسها وبأب تمار ع كولتها

جبت قطع حلوى وخيط زينة واشرطة وتول ونفاخ
كملت تغليف قطع الحلوى بعاب صغيرة وتزيينها بشريط ازرق وورد ابيض ناعم ورتبتهم اني ومهجة بصواني يوميه فد شي قليل نسوي
وبقت اخر خطوات هسه النفاخ والتول للباب وكم ملصق يتعلق المفروض بأسمه نسويهن بس الوالي مايحب يحضر اسم قبل فتره يكول يجي بسلامه واسمه يجي وياه

هو هالأيام خايف عليها حيل ومايريد يتكرر الي صار وياها بولادتها بملك اتفقو وي طبيبتها بأي وقت تروحلها حتى لو بوقت دوامها بالعيادة
وتاركين الاسم ع التسهيل مثل ميگول

اما مهجة ماعدها مانع ع الاسماء الي اباله
واليوم گالتلي

بحس قرب موعود ولادتي

خلتني اختصر المكالمة شلون ماچان واجي اكمل التجهيز

جنت مدنگه ومشغولة وفات الوالي
عدلت گعدتي
وضحكت

..اعرف وكت نوم وطوختها بس اتحملني دقايق

ابتسم واشرلي على عيونه

..عيوني الچ اذا تحبين اخليجن وحدجن ماعندي شي

..لا يابه شعندي ها اها كملت بس اريد مساعدتك تعبرلي التول هذا ع الباب
اخذه مني عبره ساويته ع عرض الباب وبلاستيك شديته من النص تخصيره سويتله
وشديته من ظهر الباب هم
مهجه تنفخلي نفاخ ابيض وازرق وهو صافن علينا مبتسم ومحتار بينا شجاي نخبص مو فاهم

گال

..بس سؤال ناويه تصورين هنا انتِ وخواتج لو شنو مافهمت الزينة هاي المن

عرفته عباله هاي الهوسة وتجهيزاتي للعرس وسأل شنو فايدتهن لأن مستحيل عابد يصعد الغرفته يعرف هالشي

..شصور چا هي هاي الي

..چا المن ؟

..هاي للسيد الصغير حتى نصور استقباله 

..ها؟ ياسيد

..ابنك غير مو نسويله استقبال وتصوير الك والمهجة

ضحك
بعد ورانا تصوير چا والصور الاخذناهن گبل شكم يوم

..ذني للحمل ذنيج للولادة