نوايا القلوب..

٤٧

يسعد مساكم ..

وصلني رسالة عنب من ادمونات گروب الزميلة مريم السعدي ست انسام وام اية بالقلب انتن
بس جيرانكم حبيباتي البنوتات والاخت وئام يسألوني هنا بالخاص ويسربون للجوارين 😂

تعالو انتو وادللوو

..

ملاحظة مهجة طريقة السرد عنها تحتلف لأن مااريد اخربط بلهجتها ولا اريد اغير لهجتها عن السانها ولا اگدر اكتب سوري هوايه يصير اكو خلل بالسرد
وياحبايبنا سوريا واهل سوريا

...

ملاحظة عندي صديقات من ليبيا الحبيبة يقرون وياي كل قصصي  كانو اتمنى هم بخير واتمنى ربي يكون بعونهم ويأجرهم على صبرهم على  الكوارث الي صارت
وربي يرحم ضحاياهم

....

..بس اني ماراح اطلگ ميس اوعدچ كلشي ترديه يصير اطلگها هي ومايهمني هالمره شي
وضع امي الصحي استقر وسويت كلشي اكدر عليه
الاريده منچ فرصة وحده اثبتلج انتِ شتعنيلي خليچ وياي بس هالمره

اتحاشيت نظراته

..راح وكت هالكلام وهسه ماينفع بشي صدگ طلاگك الها مو حل اذا طلگت او لا النتيجة وحده انت خسرتني خليك محافظ على اهلك ع الأقل

..عمري ماربحت بأهلي من انولدت واني خسران وتعرفين وضعي بينهم چان كل همي امي وبعد الي صار مايهمني احد غير عائلتي
بس انطيني مجال ارتب وضعي وياج ونعيش براحه بعيد عن الكل

..ليش تصعب الموضوع عليه وعليك اني انسانة اخاف الله واحب اعيش متصالحة وي نفسي احب اسوي الشي اليرضيني ويرضي ربي مااريد اعيش بحقد ولا بخوف ولا افكر بانتقام هي الدنيا شگد تريد اطول حتى اجبر نفسي على شي مارايدته لو ارجع واگلب حياتك جحيم لو اخلي شروطي عليك واخليك ماتعرف اهلك واظل خايفه بيوم تواصلهم ومتوجسة من اي تقارب منهم كل هذا مالي طاقة عليه

..الي يعجبج سوي اتحمل واني الممنون بس لاتگليلي نتفارگ هالعقاب مااگدر عليه هواي عليه وصعب اتقبله
فكري بالبنات زين
فد يوم شفتيني قصرت بحقج قل حبج بگلبي غلطتي ماصارحتج وهذه غلطة ثمنها غالي ومستعد ادفعه بس مو بفراگم
ماصارحت من خوفي لا افقدج وافقد استقراري والمحبة والكيان الي اسسناله بعيد عنهم وعن طمعهم وطغيانهم مو فرحان بوضعي اني ولا عاجبني بس انخليت بموقف جبرني والجبرني خوفي على امي لأن جانت بوضع مايسمح تنترك لو مثل صحتها هسه والله
مااهتم اگول تزعل فتره وترضا
بس چانت بينها وبين الموت شعرة شسوي بهالحالة اني
خليج بمكاني

..والله هالحچي فات وكته وماينفع ليش جاي تحچيه

.. وطلاگ ماراح اطلگچ

..ليش تخليني اكرهك من صدگ تريد تجرجرني بالمحاكم وتبهذلني

..مو هذه غايتي والله