يسعد مساكم حبايبي
بارت طويل تعويض عن البارحه ♥️
......
شبا..
هالأيام بالي يم ابو تمار صدمنا بقراره الاخير مانعرف ليش هيج بالسرعة قرر رغم هو متمني بس خوفه علينا مانعه
ابد مامحسبين حساب الروحته هناك
امي الوحيدة الي ماخذ رايها قبل الكل ورايد منها تدعيله وماتعارض روحته وتوگف وياه مثل ماوگفت وي أبوي الله يرحمه بجهاده
وفعلا ماعارضت دعتله هوايه وودعته بدموع عيونها وظلت كل متذكره تدعيله وتبچي خايفه
بس احس عمه اسيل ومؤمل ابد مو طبيعيين ويعرفون أكثر من الي نعرفه لأن هي حيل قلقة ظلت وهذه مو عوايدها تگول هناك احسن اله
مؤمل السنة ثالث يداوم لأن مسرع دراسته
چان يدرس ساعات طويلة يريد يطلع الأول بالبكلوريا بس هالأيام قسم وقته وصار يروح للشورجة
يراقب شغل العمال هناك بالمحلات والمخزن الكبير يگول شگد ابو تمار يحبهم العمال ويثق بيهم بس دائما يگول احفظ حلالك ولاتخون جار لو صديق
ودائما يگلي المال السايب يعلم السرقة وخاف بيوم انشغل تصيرلي ظروف انت مكاني خاص بالعطل من يروح وياه كلشي يعرف عن شغلهم
اهتم هو بطلباتنا ياخذ القوائم الي نريدها مثلا مسواگ البيت لو احتياجات المواد الغذائية أو المنظفات وحتى الخيوط التحتاجهن عمة بخياطة العبي ومن اي مكان جان الوالي ياخذهن من معاميله هناك يعرفوه حق المعرفة
لأن مسؤول عن توفير كل احتياجات البيت من الأبره الأكبر شي نحتاجة باغلب الوقت وهم يرحن عماتي يتسوگن وجدة بس شي قليل والغير أمور احتياجاتهن واحتياجاتها الشخصية أما الطلبات الباقية لا عليه هو
وهسه امولي ماقصر حتى يدزهن بيد نفس الرجال
ابو عقيل رجال طيب منا من هالمنطقة اتعرف عليه ابو تمار بالجامع الي يصلون بي صلاة الجمعة وبوكتها چانت عنده عربانه ويوصل طلبات ومايتقبل اي مساعده حتى من أمام الجمعة
الا بتعبه والله سبحانه صار سنة من فضل عليه واشتره سيارة بس لمن حقق حلمه واشتراها تعب المسكين مو حمل يفتر مناطق لو يوگف هوايه بالأسواق بالحر والبرد ينتظر كروه لأن السيارات معروفه شگد بالعراق يمكن أكثر من البشر
هم حاولو يساعدوه بوكتها ورفض و ظل شغله ع التليفون الي يعرفوه ويحتاجوه يطلبونه باتصال وماشاءالله صار عليه لود بحيث الوالي يريده مرات هو يرجعني وياخذني لأن امين گوه يحصله ومايلتزم بخط خاف ايام يمرض بيهن ومايطلع بس بقى هو الي يجيب النا المسواگ بشكل ثابت
مؤمل هم أخذ الطريقة يدزهن بيده و يبقى هناك يجينا العصر لأن هو يروح بعد الدوام وره الظهر وياخذ كتبه وياه يقرأ هناك اذا عنده امتحان
بهالأيام
اجانه رضا ابن عمه ذهب وهذا من أولادها الكبار يعني ولده بگدنا اني ومؤمل ويمكن اكبر بسنة أو سنتين
أنت تقرأ
نوايا القلوب..
Romanceقالت لي جدتي ذات يوم لاتؤمن شر الناس قد تظهر المحبة بوجهك وهي وتحمل من الكره والعداوة الكثير اجعل بينكم مسافة تؤمن بها نفسك ولاتكن كمن سبقك لأنها ستظهر وينكشف لك عدوك فأخفائها طويلاً لابد أن يظهر ويجعل من العوائل المترابطة أعداء لسنين تمتد عداوتهم ل...
