نوايا القلوب..

١٠

مساء الورد ♥️🌸

...

مهجة ..

قضيت آخر ليلة مع اخواتي البنات دموعي ماوقفت

كيف بدي فارقكون كيف أمن عليكون امي جبرتني ع السفر للي بيتسمو أهل هددتني تطردني للشارع ع اساس أن هي بتخاف عليا بالحقيقة كل الي صارلي منا ومنون شو قالو لحالون لما تركوني معا

بتذكر لقطات من جيتنا الهون بالبلد

الي واعدها يعيشا بعيشه محترمة اتخلى عنا بعد ماوصل غايتو ونفذ انتقامو

وظلت الدنيا تلطش فينا من مطرح لمطرح نتنقل مصاريا خلصو
كان في شخص عندو بيت اجرو النا بعد فتره عجزنا وبين علينا ضعف الحال
وصرنا مابنقدر نوفر ايجار الغرفة
حاولت امي توصل الي وصلنا الهون الوسيط بينا وبين الي بالعراق

وكان ردو دبرو حالكون ماعندي تفاصيل كثيره بس الي عرفتو بعدين امي مبلغه أعماما أن هي طالعه مع إما والحقيقة لا هي بتعرف مطرحنا ولا احنا

والي اعرفتو هي وزوجا بالاردن عمان طالبين لجوء لأنه شخص مطلوب للحكومة الجديدة وللمحتل
  وطلعو يحمو حالون السفر العمان ماكان بسهولة السفر لسوريا
لهذا امي راحت لسوريا تبعد عن أعماما الي بتقول ظلموها وعن زوجها الي ماكان قد الطموح وعن كل الي تعرفون وكانت موعوده بعيشة كريمة لكن غدرو فيا

بالأخير ابو البيت طردنا واحتارت امي بحالا كيف أدبر عيشه ومسكن وانا معا وهي معاقة
ظلت تلح وتروح للشخص الي كان واسطة بينا وبين الي ساعدا تسافر من البلد وصارت تتردد عليه تشكي وتبكي وهو مقنعها يتجوزها ويصرف علينا

اتجوزت وعشنا تقريبا سنة يجينا ساعتين نهار وساعة بالليل مصرفنا وسكنا ماشي بالاول كان يحبني كتير ويهتم فيني وحبيتو أنا كمان وامي شبه الي ارتاحت بس ماصبرت رادت بيبي تاتجبرو يعترف بالزواج من خلالو لكن لما عرف جن جنانو وتركنا فتره طويلة

لبين ماولدت امي هو يبعث مصرف وبس كانت ولادتها صعبة كثير جارتنا اخذتا وخلتني عندون الحد مااجو ثاني يوم ومعا اختي لينه
حبيتا من اول اليوم انزرعت بروحي وصرت مابتحرك من جنبا

بعدا هو استسلم للأمر الواقع وظل يتواصل معنا
ورجع الوضعو السابق امي ماصبرت  عمر لينه سنتين وحملت بـ زينا ع اساس ان هي ماخذه احتياطا وصار الحمل  غصب عنا ولما جاراتا لاموها كيف بتخلفي للمره التانيه وماحدا داري عنك وعنون

قررت بتواجه مرتو وتقلا كلشي وتحطو أمام الأمر الواقع وحلت المصيبة بيت الزلمه انخرب وزوجتو انهبلت ع الآخر رادتو يطلق امي قلا بناتي يضيعو

خلانا أبيت واحد وصرنا نسكون سوا كان عمري ٨سنين امي تخلي اختي جنبي وهي تطلع تقضي شغل البيت وتعمل النا طبخه
وبيوم صحينا على مصيبة زوجتو حرقت نفسا بعد مايأست من طلاق امي