نوايا القلوب..

١٨

يسعد اوقاتكم بكل خير حبايبي
بعد عناء ساعات الحساب لعب ويايه ختيلان بحيث كاتبة قريب ال٤٠٠٠ آلاف كلمة نسختها اجيت انشر لگيت البارت ٩٠٠

رجعت كتبته من جديد ودزيته الادمن بيج روايات نور الشمس ع الفيس نشروه هناك قبل فتره وظليت احاول الحد مارجع الحساب الحمدلله لهذا باركولي 😍

اني اذا البارت مينزل ع الواتباد وأشوف تعليقاتكم على كل فقرة ولا احس نفسي كاتبة

.....

شبا..

بهالفترة العام الدراسي شارف ع النهاية ومؤمل السنة بكلوريا
ذبينا نفسنا ع الدراسة بعد الفتره الي طلع بيها عمي هوايه سختنا

عمي مرح الگعده وياه ماتنمل حيل حبيته طلع احلى من الخيال الراسمته اله شكل واطباع

البيت صار كله حيويه خاص من ينزل ابو تمار ويتعاندون على شي واحد يقصف الثاني
لو ضحكه وي عمي بحازم لو شگد ماضايج عني بالنهاية يضحكه

بس هو أقرب شي اله زهراء واسراء

وريام احتار بيها يگلها ماچنتي هيج الدراسة مغيرتج شبيج دومج معزولة وجنج عايشه العمرين
‏
تضحك وياه شويه وترجع الطبعها غرفتها وكتبها وابحاثها
مباقيلها شي وتحقق طموحها بشهادتها

الشي الوحيد الي چان يزعجها ويخليها اسبوع مو طايقه نفسها ولاطايقتنا هو الخطوبة اي واحد يخطبها لو يجيبون الها سيرة خطوبة عبالك تتكهرب امهاتي هم عايفاتها على راحتها بعد ماايسن منها

وأبو تمار مايريد أحد يزعلها وخاص هالموضوع عنده يخص البنت وبس وهي بالذات يهتملها حيل

بيوم عطلة عندي واختنگت خاص الامتحانات قربت كلش و ماكو طلعه صار هوايه
الوالي جان يطلعنا وياه كل فتره بس السنة انشغل من يجي مايفرغ ابد

حاجيت عماتي يزورني وياخذنا اني ومهجة وميس مهجة رفضت تريد تبقى يم ابوها شگد تصير بينهم مشادات

بس انتبهنا عليها هوايه متعلقه بيه هي عبالك متشوف بالبيت أحد غيره هو وأبو تمار
‏
‏  اني ومؤمل قريبين الها بس مو مثلهم اشوفها تميل للوالي بكل مشكلة تريده وإذا ماموجود تتصل بيه حتى وتتحجج ع الاتصال بيه مرات يزهگ ومرات لا يتجاوب وياها

بيومها
ميس هم گالت عدها اختبارات جاي تحضر الهن ماتكدر تروح ويانا

بقيت بس اني راحن عماتي ويانه اسيا وآسيل وسهام وبالگوه قنعن امي تروح ويانا هم

جدة گالت تعبانه وتوه جان عمي باسم مزورها

بعد ما رحت بدلت ولبست العباية مطلعه الحذاء محضرته البسه اخر شي
اتذكرت شغلة وبعباتي صعدت اركض طايره
اتخيلت روحي خفاش من عمي حازم لاگاني واختراع من شافني