يسعد مساء الغالين ♥️
...
شبا..
بعد ماصدمنا ابو تمار وخلانا محتارين أخذ هو حسن وإبراهيم وطلعو مااعرف شراد يبينله يحجيله
أو راد يرضي حسن خاف يعتبر طلعته اليوم مستثقلة ومرايد وجوده
بقينا احنا نفسر الي صار بصوت ناصي خاف عمو يسمعنا الحد مااجانا صوت انغام العود وصوته الشجي وهالمره جدة من حجت عمه ذهب مارضت كالتلها
..خاب سكتي هسه احنا مو نطلع ضيمنا بالنعي هو حاله حالنا حال لو اعرف انه ادندن هم ادندن شنهي عمي گلوبنا توجر لو ما نطلع ألبيها مابياش اصعد يمه ماتنادونه هنا
عماتي ضحكن ع جدة هزت أيدها ماراضية
..يذهب گعدي وسكتي خلي فوگ شتكول علينا الناس
..عوفج من الناس خيه أنه هم گلبي موجر مثله ابن اخوي طالع علي صاحب كيف بعد روحي روحه ماتخلينه لاتبومين علينا روحي الحجرتج كونج تستحرمين شو هي نواعي شفتي داگلج بدف وطربتي
..خوش عليج بكيفج تحللين
مااهتمت
وصاحت حويزم بعد عمتك تعال جاي ماحافظ الداخل حسن
گاللها مؤمل مايسمعج
صاحت كومي يشبيه جدة صيحيه ليه كوليله عمتك تريدك انت وموسيغتك
گمت متحيره خاف يصيح بيه دگيت الباب أكثر من مره صاح فوت ووگف العزف
ماباوعت لعيونه خفت يخزرني لو ماراضي بس من صوته مبين جان مرتاح
گال
..گولي بابا رايده شي
باوعتله مبتسمه وعيني بعينه
..عمه ذهب تريدك تگول اريده يسمعني هنا مااگدر اصعد
گال
..شويه وانزل
طلعت وصاحني
درت عليه
گال
..هي اكبر منج بسنة وصح سمره مثل سمار امها بس ملامحها حلوه وعيونها ع عيوني قبل التعب يعني مثل عيونچ شلون شكلها هسه حلوه موو كبرت اكيد
انحسرت بعيني الدمعة من شفت الحسرة وعيونه تلمع عرفته قاصد مهجة شراح تسوي من تعرف هي راجعه
كمل عزفه ونزلت اني
كتلها شويه وينزل وفعلا دقايق ونزل گال الجدتي
..بس لاتعلقين يمه ترى نازل الخاطر عمتي ادري بروحي مااعجبج
ماعلقت هي وهو گعد ويمه البنات كلهن ومؤمل مقابيله
شگد يحب أبوه ويفرح من يشوفه مرتاح مرات أحسه عبالك هو الأب ويراقب ابنه من بعيد ويفرح بأي إنجاز يقدمه
عكس عمي جامد حيل ويخاف من فكرة يتعلق بيه وهو يتركه هم
أنت تقرأ
نوايا القلوب..
Romanceقالت لي جدتي ذات يوم لاتؤمن شر الناس قد تظهر المحبة بوجهك وهي وتحمل من الكره والعداوة الكثير اجعل بينكم مسافة تؤمن بها نفسك ولاتكن كمن سبقك لأنها ستظهر وينكشف لك عدوك فأخفائها طويلاً لابد أن يظهر ويجعل من العوائل المترابطة أعداء لسنين تمتد عداوتهم ل...
