#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:1
جابر بصراخ قشعر جسد بروق:بروق ووجع.
بروق جت تركض:سم يُبه.
جابر بكره:سم اللي يسمتس كم لي قلتلتس انقلعي شوفي الحلال.
بروق بخوف:هذاني الحين طالعتن له.
شدة الجلال عليها وطلعت تشوف للحلال.
كان الجو حار مره شمس تطلع الروح.
الجازي كانت طالعه من البيت وشافت بروق بعز الشمس وراحت لها.
الجازي بصوت خافت:اكيد خالي مطلعتس بعز الظهيره ودي افهم متى يستوعب انتس بنيه ومب ولد.
بروق بأبتسامه: ماعليتس ياروحي مرد الحجر يلين.
ضحكت بأستهزاء الجازي:هذاتس قلتيها الحجر مب خالي.
تنهدت بروق بضيقه.
ع المغرب خلصت بروق ودخلت خذت شاور وراحت تساعد امها بتحضير العشاء.
دخل جابر:انقلعي مابي اشوفتس قدامي.
ناظرت فيه بروق وفزت من صرخته وراحت ركض لغرفتها.
ساميه ناظرت فيه بعتاب: شفيك ع البنيه كل م شفتها صرخت عليها اتق الله فيها تراها امانه تُسأل عليها يوم الحِساب.
ناظر فيها بحقد:وشكلتس تبين تذوقين العقال مرتًا ثانيه.
استغفرت ربها وكملت تحضير العشاء.
عند سُلطان يحس بخاطره ياخذ بروق ويخبيها عن عيون الكل ويعوضها ع كل اللي عاشته بسبب ابوها لكن م ب اليد حيله جابر يرفض كل اللي يتقدمون لبروق ويقول انا ماعندي بنات انا عندي ولد!.
-
ب الرياض.
كان جالس سعود من اهله:الا يمه وين وهج والله اني مشتاق لها الله يهديها م صرنا نشوفها.
ام سعود بتنهيده عميقه:والله اني تعبت بهالبنت انا مدري شفيها لها سنتين وحالها متغيرًا فوق تحت.
ميهاف بتفكير:تتوقعون تغير حالها من بعد ابوي لان كان قريب منها مره.
سعود:لا م اعتقد من بعد ابوي لان وهج احس موضوعها كبير.
ام سعود تنهدت:ماعليه وانا امك بس اسمع نبي نروح لجدتك ب القريه نشوف اخبارها وخواني بيجتمعوا وودي بجمعتًا معهم ووالله اني مشتاقه ل ساميه.
سعود وهو يأشر ع خشمه:ابشري ع هالخشم جهزوا شنطكم بأذن الله ع الفجر ماشين.
قاموا البنات يناقزون بفرحه:يس بنشوف بروق والله مشتاقين لها مره.
