#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:46
بروق بعدت عن حضنه مسحت دموعها وقوة قلبها:مستغني عني؟.
نادر مستغرب سؤالها وقال:تدرين اني ابيع الدنيا لجل رضاك وتجين اساليني هالسؤال؟.
بروق:ي انا ي انتقامك.
نادر بصدمه:بروق وش تقولين!.
بروق بابتسامه صفراء:مثل م سمعت اختار انا او انتقامك.
نادر يحاول يتصنع البرود:تبين تكسرين ظهري ببعدك مثل م سوت نُهى؟.
بروق ببرود مماثل:تبي انتقامك ومصر عليه؟اجل تمام بالتوفيق بانتقامك.
طلعت بروق من غرفة نادر وراحت ل غرفتها.
مالقت شنطه كبيره تلم اغراضها فيه ف راحت ل عبير ودقت الباب.
عبير:ادخل.
دخلت بروق وبابتسامه:عنوني بغيت شنطه كبيره ماحصلي وقت اروح اشتري.
عبير بخوف:بتروحين؟.
جلست بروق عندها ومسكت ايدها:اخوك ناوي يضيع نفسه وانا مستحيل اسمحله بهالشي خيرته بيني وبين انتقامه ولو اختار انتقامه ف هذي يعني اني م اهمه.
عبير مسكت ايدها بقوه:لا تتركينه حتى لو اختار انتقامه انتي م تعرفين نادر وباللي بتسوينه بتكوني انتي اللي ضيعتيه.
بروق:انسي واي م قلتيلي ها عندك شنطه؟.
قامت عبير وطلعت الشنطه الكبيره.
اخذتها بروق وشكرتها.
وهي مصره ع اللي ببالها ي هي ي انتقامه.
لما اغراضها فيها وكفت الشنطه لان اصلًا شغلاتها ينعدون ب الاصابع.
-
بالليل كان نادر بغرفته وكان مشتاق ل بروق كثير راح ل غرفتها ودق الباب.
بروق:تفضل.
دخل وشاف بروق ع سريرها تتفرج موفي ب الابتوب وعلى جنب الشنطه.
استغرب من وجود الشنطه وتكلم:غريبه وش له ذي الشنطه؟.
ابتسمت بروق:نسيت ي انا ي اللي براسك؟.
نادر بعصبيه:مجنونه انتي بتتركين البيت ماتخافين ابوك يلقاك؟.
