#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:92
عند فِراس.
وصلوا المطعم ونزلوا.
تالين كانت تلعب ب اصابعها من التوتر.
ناظر فيها فِراس وتكلم بهدوء:هالمطعم تقريبًا نادرًا احد يروح له ف لا تخاف مراح نلقى تجمعات.
ابتسمت بهدوء ودخلوا.
-
بعد م تعشوا طلعوا ينتظروا السياره.
ناظر فِراس ب تالين:ودكم بمكان حلو وهادي؟.
تكلمت بدون م تناظر فيه:بهالوقت؟
فِراس وهو ينفخ بيدينه من البرد:اي عادي المكان مرا بيعجبك.
تالين:امم تمام.
وجه فِراس كلامه ل عبدالعزيز ومازن:روحوا انتوا السكن باخذ زياد ب مشوار سريع ولاحقينكم.
عبدالعزيز:خلاص اجل بنهجز الفلم ع بال م ترجعوا.
بعد م مشوا عبدالعزيز ومازن لف ع تالين وبهدوء:المكان مب مرا بعيد ودك نمشي له عاد الجو الحين م يتفوت.
ابتسمت تالين:اكيد مراح اقول لا ماتصدق شكثر احب الشتاء واجوائه بس احس ينقصنا شاي صح ولا؟
ابتسم بحماس:ابو ام جوك ياشيخ عز والله تعرف تختار مب العيال صجوني ب ال القهوه.
ضحكت بهدوء ومشت وراه.
قدامهم كان في واحد يبيع شاي ع الجمر.
سالها:كيف السكر؟
تالين:خله مزبوط.
فِراس وجه كلامه للشايب:اثنين شاي ياعم والسكر مزبوط.
عطاهم الشايب الطلب:عافيه يارب.
اخذ فِراس كوبه واعطى الثاني لتالين.
فِراس وهو يشرب من الشاي:احس فيه لذه مايتفق عليه الا العظماء.
تالين بحنين:جدتي دايم كانت تحشرني شاي ليل نهار طفشانه او مبسوطه لازم الشاي معاها بكل اوقاتها.
ضحك بخفه:الله يحفظها لك شكلك ورثت منها حب الشاي.
ابتسمت واومات براسها.
سالتها ب استغراب:مالقلتلي وين رايحين؟.
فِراس:لا تستعجل ع رزقك اصبر كلها شويتين ونوصل وع فكرا هذا مكاني الخاص محد يروح له غيري احمد ربك اني ب اوديك له.
بعد خمس دقايق.
وصلوا ممر طويل عباره عن اشجار ومنظره يفتح النفس.
صرخت تالين بفرح:الله المكان يهبلللل.
رفع راسه بفخر:قلتلك بيعجبك.
ابتسمت وكانت تمشي وهي مبسوطه.
جلس فِراس ع الحجر:تعال اقعد ابي اسمع سالفتك.
لفت عليه ب استغراب:سالفه ايش؟.
فِراس:من وين جيت من هم اهلك ومن ذا الكلام.
تالين بحزن:اهلي؟هو انا عندي اهل اصلًا؟خلني ساكت بالله ماودي افتح مواجع حاولت دايم اخفيها.
فِراس:تكلم يمكن اساعدك يمكن اقدر اقاسمك مواجعك.
تالين برفض:لا مراح يساعدني هالشي الا العكس بتنكد.
فِراس:خلاص اللي يريحك.
بعد فترا قام فِراس:يلا نرجع تاخرنا ع العيال.
