#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:27
عند نادر وبروق.
تقريبًا ع الساعه ١٢ الظهر وصلوا الرياض مروا المستشفى يتطمنوا عليها.
طبعًا كان عندها حراره هذا غير انو عندها فقر دم ومب مهتمه بأكلها.
بعد مده من الابر والمغذيات طلعوا متوجهين لشقة نادر.
وصلوا الشقه وبروق خايفه تنزل بنفسها تقول انا كيف وثقة فيهم.
نادر كان عارف وش يدور ببالها تكلم بهدوء:ادخلي مراح ادخل وراك لكن قبل تدخلين بقولك ع شغلتين.
لفت عليه بروق بأستغراب.
تكلم بهدوء:فوق بغرفتي فيه ملابس لي تقدري تلبسي منهم,المطبخ فيه اكل تقدري تطبخي,بكره ان شاء الله بمرك اوديك المول تاخذي الشغلات اللي ناقصتك.
اومأت براسها ولفت بتدخل.
كان بيمشي بس تذكر ونادها قبل تدخل:بروق!.
لفت عليه:لبيه؟.
:لباك,عادي تقعدي لوحدك؟.
ناظرت فيه بدموع وغصه:صح اني ماحب اقعد لوحدي واصلًا اخاف اقعد لوحدي بس عادي بتعود.
نادر بتفكير:طيب شرايك اوديك ل خواتي تقريبًا من اعمارك وانا مره متأكد بيحبوك.
بروق بنفي:لا لا مستحيل انا بسببلك مشاكل.
نادر بنفي:لا وخالقي لا مشاكل ولا شي.
بروق بنبرة امتنان:مشكور ع وقفتك معي لكن مابي اتعبك معي اصلًا مب حلوه بحقي اني اروح معك.
نادر بتفهم:اللي تشوفينه اجل انا استأذن.
بروق بنبره طيرت عقل نادر:مشكور ع اللي سويته معي وخالقي مقدر اوفيك بكلمه كل معاني الشكر ماتوفي بحقك وقفتك معي مستحيل انساها مشكور نادر مشكور مره.
ابتسم بشتات ومب عارف كيف يرد:اءء شدعوه والله م سويت شي هذا اقل من واجبي انت عاد بس ادعيلي دوبي مقدم ع الجامعه وانتظر القبول.
بروق بصدق:يالله يارب انك تنقبل واشوفك ب اعلى المراتب انت قول امين.
نادر بإبتسامه وهو طاير م الفرح لان يحب لما الشخص يدعي له:اهخخ امين.
بروق ضحكت:م صارت طولناها هنا انا بدخل بدية ابرد.
ضحك معها:ادخلي ادخلي ي حجيه انا مدري ليه تبردين بسرعه.
بروق وهي طالعه للشقه وبصوت مسموع:الشكوى لله.
ابتسم وركب مع فيصل اللي شوي وينفجر وبصراخ:بالله طاقها غراميات مع الاخت ولاطعني ب السياره نص ساعه!!.
نادر بروقان:امش للبيت حدي متكسر ابي انام.
فيصل بعصبيه اقوى لانه يكره البرود:اههخ منك نادرر اههخ ودي امسك راسك اسكه بكل زاويه.
ضحك نادر:فيصل ياخوي اعذرني ادري اخرتك لكن شسوي لازم اتاكد ان كل شي بخير.
سكت فيصل لان لو تكلم مراح يسكت.
