#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:91
خلص فِراس لبس جاكيت جلد وتيشرت ابيض والبنطلون لونه اسود اوفر سايز.
فِراس وهو يتعطر:ها يعيال خلصتوا؟.
عبدالعزيز وهو يربط شوزه:اي اسبقنا ل زياد وبنلحقك.
اومأ راسه وطلع من الغرفه اتجه لغرفته هو وتالين لكن فجاء اسرع بخطواته وهو يسمع صراخ تالين.
كان بالغرفه يوسف يحاول يستدرج تالين وهي مهما حاولت تهرب منه الا ان البنيه بينهم تختلف.
ثار دم فِراس مسك يوسف من قميصه وهو يصرخ بغضب:اهه ي القذر انت م تتوب مريض والله مريض.
وكان يضربه بكس ورا بكس ووده لو يذبحه ع يده.
لكن تالين تدخلت وسحب فِراس بعد عنا.
فِراس تفحص تالين بعيونه وتاكد انها بخير.
سالها ببرود:خلصت؟.
تالين:ايوا يلا نطلع؟.
سحبها وهي م اعترضت ماودها بمشاكل اكثر.
وصلوا عن البوابه.
مازن وهو معصب:بدري استاذ فِراس كان رقدت.
فِراس مارد عليه ناظر ف عبدالعزيز:طلبتوا سياره؟.
عبدالعزيز وعيونه ع تالين:اي يلا نطلع قد له ١٠ دقايق ينتظرنا.
اتجهوا ناحية السياره.
عبدالعزيز ركب قدام وورا ع جهة الباب اليمين تالين وجمبها فِراس وع جهة الباب اليسار مازن.
-
عند بروق.
نامت ع الكنبه من التعب.
جاء نادر يشيلها لانو نومت الكنب مب مريح.
لكن فزت بروق بخوف.
نادر ب استغراب:اشبك كنت بوديك السرير نومتك هنا بتتعبك.
بروق بتعب ترجع تنسدح:خلني زي م انا هي فرقت الحين؟.
نادر قعد ع الارض وحط راسه ع صدر بروق:تدرين حسبت الحب لعبه لعب فيه كل من بغى يتسلى كنت اضحك ع اللي يحبون ضنيت انهم يتسلوا وانها مشاعر كذابه لكن معاك حسيت اني طحت ومحد سمى علي لما غبتي عني حسيت الدنيا حولي اظلمت كنت ادور عليك بزوايا البيت اههخ ي بروق سمعتي فارس مهدي لما قال *من شانك اشقى م تنهيت ب الليل عزي لقلب قطع عنه سيوفه*
والله كان يوصف حالي ببعدك تكفين لا تبعدين عني مرا ثانيه تكفين بروق لا تتركيني وتروحين انا من لي من بعدك.
ناظرت فيه بروق تحس ماعندها كلام تقوله كل اللي طلع من لسانها كلمتين:لو كلامك صح م كان تركتني كل هالمده عند ماهر لو تحبني كان دورت علي ليل نهار لو تحبني كان م غفت عينك وانا بعيده عنك لو تحبني كان حاربت الكل عشاني.
م خلت له مجال يرد كملت كلامها:والحين خلني لحالي ابي ارتاح.
ناظر فيها بصدمه وخيبه وراح وتركهاا.
