#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:10
وصلوا الفندق وحجز جناح.
نزلت بروق وراه دخل وراها وقف ولفت عليه:اكيد م حجزت بس جناح صح؟.
سعود بتردد وشتات:شوفي حاليًا مجبور ع كذا ف انتي لتس الغرفه وفيها تواليت وانا لي الصاله واوعدك م اتعرضلتس.
بروق م اهتمت مره ودخلت تنام.
-
عند جابر جن جنونه وقلب الدنيا ع بروق ولا لقاها راح ل بيت الجده وبصراخ:طلعوا بروق ل والله ثم والله اني ل احرقكم واحرق هالبيت فوقكم.
هنا ساميه طلعت وناظرت بعيونه:الله العالم اني مدري وينها لكن مبسوطه انها هربت ع الاقل م اشوفها تموت قدام عيوني ظلم! اتهمتها ب الزنا ي كبرها ع ربك كيف صدقت ان بروق تزني بروق اللي مافي انقى واشرف منها تظن فيها هالظن؟.
جابر بصراخ:بطلعها والله والله بطلعها وادفنها قدام عيونتس واحرق قليبتس عليها اذا البنت مب عندتس يعني هربت مع اللي زنت معه.
راح وهو تاركها تتألم ع فراق بنتها وتتالم اكثر ع المسمى اللي الكل صار يقوله ل بنتها"زانيه!".
دخلتها نجود:خليتس واثقه ببنتس وان الكلام اللي انقال عنها كل إفتراء وظلم اما عن اختفائها ف صدقيني افضل من شوفتها ميته صح؟.
هزت راسها بضعف وتعب ودخلت تنام.
نجود لبناتها:وين سعود عيني اليوم من بعد اللي صار م شافته.
وهج تكلمت بسرعه:اءء يمه سعود كلمني وقالي انو عنده شغل ضرور ب الشركه ولازم يسافر.
انصدموا البنات:كيف يسافر واحنا ب هالحال كيف يسافر وهو عارف ب اللي بيسويه جابر ببروق؟.
وهج:خلاص لا تظغطون عليه اللي فيه مكفيه.
-
راح سلطان ل ساميه بعد م طلبت منه هالشي وكان منهار ع اللي سمعه لكن حبيبت قلبه مستحيل تغلط وواثق ان الكلام كله كذب.
وصل بيت الجده ودق وطلعت له وهج لف عنها:احمم نادولي العمه ساميه طالبه تشوفني.
