#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:5
كمل:بس لازم م تطلع ب الشمس او تتعرض لحراره وراح اعطيها كريمات تساعد ع تخفيفها بس مش الحين لكم موعد بعد اسبوع تجي افك الغرز واعطيها كريمات,والحين بالاذن.
شكروه وراح اما سعود ف راح ودفع كل التكاليف.
ساميه سجدة سجدت شكر ودموعها م وقفوا ضمتها وهج:خلاص ي خاله بروق مافيها الا العافيه ترا لما تشوفك تبكين بتتعب اكثر يرضيك؟.
ساميه مسحت دموعها بسرعه:طيب تكفين ابي ادخل لها.
وهج بحنيه:من عيوني بس زي م قال هي الحين تحتاج راح شوي وابشري بدخلك.
-
عند جابر دخل البيت وهو مستغرب وجود الدم وقعد ينادي بصوته كله:ساميه ي ساميه.
راح كل الغرف ولا لقاها.
بعدين انتبه لدولاب المطبخ الطايح وانو الدم منتشر بكل مكان تكلم بحقد كبير:جعله دم بروق وياجعل عيني معد تشوفها.
-
عند سلطان خلاص م يتحمل اكثر كل م طلب امه ترفض وكل م طلبها ترفض.
راح ل ابوه ولقاه جالس ب الحوش جلس جمبه:يبه ودي اطلبك طلب.
ابوه لف ع جهته وناظر فيه:قول يبعد حيي.
سلطان بصوت راجف:يبه انت عارف اني متعلق ببروق من كنا صغار صح يبه؟طيب ليه امي رافضه اخطبها؟عشان عمي؟صدقني مرده يوافق.
ابو سلطان تنهد بضيقه ع حال ولده:جابر اجبرنا م نتكلم لكن ي عين ابوك صدقني مالكم نصيب مع بعض ومستحيل تكونوا لبعض.
سلطان واللي اول مره يرفع صوته ع ابوه بصراخ:ليهه طيب ابي اعرف ليه؟؟؟عطوني سبب.
ابو سلطان قام:لا تكثر اسأله جهز نفسك بسفرك بريطانيا تكمل اخر سنوات جامعتك هناك.
سلطان بصدمه:يبه انا مستحيل اسافر!.
وبغصه:يبه حرام عليك يهون عليك عذابي تبي تبعدني عنها؟.
ابو سلطان:كلمتي م تنعاد.
راح وترك سلطان بأحزانه.
دخل غرفته ومسك ورقه وقلم وكتب:اعترف اني حبيتتس ومراح احب غيرتس طالما احييت انا مدري ليه الكل مصر يبعدنا عن بعض لكن وغلاتتس عندي اني ل ارجع واخذتس غصب عنهم الوالد اجبرني اسافر للدراسه لكن اوعدتتس م اتاخر اوعدتتس ارجع ونكون لبعض انتي بس انتظريني وتكفين طالبتس انتبهي زين لنفستس ولعيونتس اللي احبها لا يمسها زعل استودعتس رب العباد.
طوى الورقه وراح ل سمر عشان تعطيها بروق.
