#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:7
بعدها شال بروق وطلع وساميه تصيح وتدعي على جابر خذاها سعود ووداهم بيت جدته.
البنات يبكون بخوف ونياح.
مسكتها نجود وسدحت بروق ع الفراش وصارت تعقم جروح بروق.
اما بروق ف بالها بعيد عنهم تمامًا ولا تتكلم ولا شي بس دموعها ينزلوا بصمت.
-
طبعًا سمر م كانت تدري عن حال بروق ف خذت الورقه وحطتها تحت باب غرفة بروق.
شافها اخوها محمد واخذ الورقه وشاف الكلام ابتسم بمكر واخذ الورقه وغير كل اللي مكتوب ل كلام ثاني تمامًا.
ورجع وحط الورقه قدام باب البيت ودق الباب وراح يركض يهرب.
شافه سعود وشاف حركته الغبيه لكن م اعطى الموضوع اهتمام.
مشى وراح ل بيت جدته.
-
بعد مده طويله رجع جابر البيت ولقى ورقه عند الباب فتحها وانصدم من اللي مكتوب ودخل البيت بسرعه.
لكن مده قصيره الا وكل القريه مجتمعين قدام البيت واحد منهم:اطلع ي جابر بنتك زانيه وجابت لك العار.
"طبعًا محمد بعد م حط الورقه عند الباب راح نشر خبر ل اهل القريه ب ان بروق ترسل رسايل حب مع واحد وزانيه معه"
طلع جابر بعصبيه:م عندي بنات لكن والله لا ادفنها اليوم قبل بكره.
راح بسرعه ل بيت الجده وبصراخ واهل القريه وراه:افتحي ي بنت*** ياللي جبتي لي العار ووطيتي راسي.
راح سعود بسرعه وفتح الباب وانصدم من اللي معه سعود بعصبيه:خير وش جابك؟.
جابر بصراخ:بعد اقول وين الزانيه.
سعود بصدمه وعصبيه:وش تخربط انت خير ان شاء الله.
جابر دف سعود ودخل بعصبيه يدور ل بروق ولما شافها سحبها بقوه وسك راسها اكثر من مره ب الجدار وبصراخ:انا قايل البنات م يجيبوا الا العار سودتي وجهي الله يسود وجهتس.
كل اللي ب البيت صحى ع صراخ جابر راحت ساميه وبصرخ:سعود الحقني تكفى.
راح سعود له وبعصبيه اقوى:اقسم بالله لو م تتكلم عدل وتعلمنا السالفه ووش قصتك جاي مدرعم باللي معك اقسم بالله انا اللي ادفنك ب ارضك.
طلع جابر الورقه ومداها قدام سعود وبصراخ:اقراء شوف خيبت اللي وراك شوف اللي تدافع عنها وش هي مهببه وماسح وجيهنا ب الارض.
