#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:22
عند نادر وبروق تقريبًا جاء المغرب وفيصل لسى م جاء!.
الجو بدا يبرد وبروق مب متدفيه مره.
لفت ع جهة نادر وبخوف:جاء المغرب وصاحبك م جاء تعتقد نسانا؟.
نادر اللي ابتسم ع برائتها:لا شدعوه بس يمكن الخط زحمه.
هزت راسها ب خوف وصارت تشد العبايه عليها من البرد.
نادر انتبه لحركتها ف نزل كوته ومده لها:خذي تدفي فيه.
ناظرت فيه لحظات وتكلمت:وانت اكيد بتبرد ماعليك مني متعوده ع البرد.
نادر طنش كلامها وحط الكوت ع كتفها.
ناظرت فيه وتكلمت:انت عنيد تدري؟.
ضحك بهدوء:اي عارف.
-
نروح شوي ل فيصل.
طبعًا بعد م وصلوا الرياض نزله خالد عند بيته ف ع طول دخل البيت واخذ مفتاح سيارته وبدل ملابسه وطلع متوجه للبر لكن للاسف بسبب الزحمه وصل متأخر وبسبب الظلام ف م كان يعرف وين المكان اللي ترك نادر وبروق فيه ف كان صعب عليه انو يدورهم بالذات انو م كان فيه شبكة اتصال ف كان يدور ب البر ومب عارف وش يسوي.
-
عند سلطان.
طبعًا من يومها وهو يدور ع بروق ويوم عرف ان عمه ارسل عماله يرموها ب البر ف راح للعمال.
سلطان بعصبيه راح ل علي:اقسم بالله لو م تقولي وين بروق اقسم بمن احل القسم اني ل ادفنك ب ارضك وانت عايش!.
علي ضحك بسخريه:انت هذا اللي فالح فيه بس كلام لكن افعال ميح م عندك.
مسكها سلطان من ثوبه وصار يضربه لين نزف انفه وفمه.
سلطان بفحيح:انا سلطان ي علي شكلك ناسي من انت.
تفل عليه ورماه ب الارض.
طلع يحاول يفكر بطريقه يلقى فيها بروق لكن م كان عارف وش يسوي.
-
عند سعود بعد م تعب من التفكير ف كان يحتاج احد يساعده يكون من اهل القريه ويعرف كل شبر فيها ويعرف اللي جابر يثق فيهم ف اول شخص جاء بباله هو سلطان.
-
بعد م جاب رقمه دق عليه.
رنه رنتين ثلاث ورد:الو السلام عليكم.
سلطان بأستغراب للصوت:ارحب وعليكم السلام؟.
سعود بثقه:معك سعود ال**
سلطان يعرفه ف رحب فيه.
سعود:سلطان بغيت نتساعد انا وانت بما انك عارف كل شبر ب القريه يمكن لو تعاونا بنقدر نلقى بروق!
