#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:14
سعود بشتات:مدري مدري خلاص بسرعه رتبي اغراضك بنمشي.
وفعلًا قامت بروق لمت اغراضها وطلعت بعد ١٠ دقايق.
تنهد سعود وشال الشنط ونزل وبروق وراه.
نزلوا وسعود ركب الشنط وركب السياره ناظر ببروق وبتفكير:اول شي احس بنروح المحكمه نتزوج عشان اذا ابوك تعرض لك يكون لي حق اخذك لانك زوجتي!.
بروق بنفي تام:لا لا اول شي اشوف امي تكفى ياسعود امش والله ان قلبي محروق.
تنهد سعود ومشى.
حطت راسها ع الباب وتفكيرها يجيبها ويوديها.
اما سعود ف يدعي بداخله ان م يكون كل هذي خطه من جابر عشان ترجع بروق.
بعد ساعه لف وشاف بروق نايمه تنهد ونزل البقاله يجب كم شغله.
-
نرجع للقريه.
عند سعاد بعد اللي عرفنه ف اخذت الجازي وراحوا ل جابر.
سعاد بصراخ:اطلع ي جابر اطلع ياولد امي وابوي.
طلع جابر مستغرب من وجودها:تفضلي!.
سعاد:والله رجلي معد تتخطى هالبيت حرام عليك وش انت من بشر م تخاف ربك؟اخر عمرك عصيت ربك واجرمت ببنتك وزوجتك!!!.
جابر بصراخ اقوى:محترمتس لانتس اختي لكن دامتس جايتن تدافعين ع هالبلوتين ف روحي قبل لساني ينطق باللي مايعجبتس.
ضحكت الجازي بسخريه:شفتي ي يمه اخوتس يطردنا متأكده انكم من نفس الدم؟.
سعاد بحسره:اي والله ي حسرتي دامك من نفس دمي والله م يشرفني.
وراحت وتاركه جابر يتالم من اللي قالته اخته.
