#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:33
صباح يوم جديد عن نادر وبروق.
بروق م نامت ليلها كانت تحس بشعور الخوف اتجاه نادر.
صحى نادر ع الفجر وشاف انو لسى ع نفس وضعيته بحضن بروق ناظر بعيونها وسألها بتعب:مانمتي؟.
بروق بنفي:ماجاني النوم.
أومأ براسه وكان يحس بصداع ف مسك راسه وتعابير وجهه تدل ع انه يتألم.
بروق ارتعبت ف قربت منه شوي:نادر قاعد تخوفني فيك شي؟.
نادر بصوت بالقوه يطلع:راسيي اهه.
بروق خلته يتمدد ع الكنبه وحطت راسه ع فخذها وصارت تحاول تسوي له مساج عشان يهدأ الصداع.
وفعلًا شوي وهدا الصداع قام ناظر فيها وابتسم.
:من اللي عرفته انك تخافين مني بس غريبه شصار.
ناظرت فيه وهي تتأمل وجهه التعبان:خلنا من هذا ليه وجهك تعبان كذا تكلم قول اللي بقلبك مب حلو انك تكتم صح مانعرف بعض الا من كم يوم بس اعتبرني واحد من اصحابك تكلم وصدقني بحاول اساعدك.
ابتسم بتعب:كنا صغار انا وخواتي مانفهم اللي يدور حولنا وقتها عبدالرحمن كان يكرهنا مب كرهه كرهه مره لكن م كان يعاملنا ب اسلوب زين كان اوقات يضربني واقول عادي ابوي ومن حقه اذا شاف مني غلط يعاقبني لكن شوي شوي كنت اشوف ان نُهى هي اللي تبعدنا عنه عشان م يقول لنا عن الواقع المؤلم.
بروق بشتات:ماني فاهمه شي.
ضحك بألم:ولا انا فاهم شي صدقيني احس حلم مب راضي اصحى منه.
هنا بروق حست انه كاتم شي كبير ضمته لصدرها:نادر وغلات اغلى من بحياتك تكلم قولي شفيك.
نادر بهدوء:انا لقيط واللي عشت معهم ٢١ سنه مب اهلي!.
انصدمت بروق من كلامه سكتت شوي بعدها تكلمت بنبرة حنان:انا ماني فاهمه الموضوع كامل لكن لا تقول عن نفسك لقيط انك مب كذا.
عدلت جلستها وخلت نادر يجلس مقابل لها:شوف اسمعني ربي اذا حب عبده ابتلاه عشان يشوف مدى صبره وقوة ايمانه وانا متاكده انك قوي وبتتخطى المحنه هذي.
نادر بعد اللي قالته ارتاح لها مره:ممكن تخليني اقول كل اللي بقلبي بدون م تقاطعيني؟.
بروق بأبتسامه:اي اكيد انت تكلم.
وفعلًا تكلم نادر عن كل شي بحياته من الآلف للياء.
بروق انصدمت من اللي قاله كانت تبي تخفف عنه لكن شعور انك فاقد اهلك شعور م ينبرى ولا يتداوى ف فضلت ب انها تحضنه لصدرها:انا ماعندي كلام يخفف المك انا عارفه شعورك عارفته زين لكن مارح اقدر اخفف من اللي تحس فيه ابكي اذا بترتاح مب عيب ل بكى الرجال.
تكلم ببرود:مين هم عشان ابكي بسببهم انا ماخذ وعد ع نفسي مستحيل ابكي بسبب اي شخص كان.
