#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:38
صباح يوم جديد.
كان اول ايام العزاء وبروق م فارقت خوات نادر ثانيه.
كانت جالسه غاده ب العبايه وضامه شروق لصدرها ودموعهم م نشفت.
كانوا الحريم يعزونهم ومستغربين عدم وجود نهى.
جت حرمه كبيره ب السن قربت ل غاده تعزيها:احسن الله عزاكم الله يرحمها ويغفر لها ويجعل مثواها الجنه.
غاده بغصه:جزاك الله خيرر.
الحرمه وهي تدور بعيونها:وين امك ابي اعزيها؟.
غاده ناظرت فيها وماتدري وش تقول.
جت بروق وتلاحقت الموقف:والله ي خاله انها تعبانه وماتقدر تنزل.
ابتسمت الحرمه لبروق:من انتي يبنتي ماقد شفتك؟.
غاده مسكت ايد بروق:خطيبت نادر.
انصدمت بروق وماردت.
شوي ورجعت الحرمه مكانها.
بعد يوم متعب وقتها تقريبًا كانت الساعه ١٢ الليل.
طلعت غاده وشروق ينامون بعد يوم مليان بالتعب.
اما بروق ف كانت تنتظر نادر يجي عشان تتطمن ع حاله.
انتظرت ساعه وساعتين بس لسى م جاء!.
خافت بروق ف دقت عليه.
وماكان يرد.
-
عند نادر.
كان عند اصحابه كان يبي يطلع من مود الحزن اللي هو فيه.
خالد وهو يحاول يخفف عنه:شرايك بعد يومين ثلاث نطلع طلعت بر واذا ودك للبحر رحنا.
ابتسم نادر:مشكور يعيني اخوك عارف تبي تغير من مودي لكن والله ان حيلي مهدود ومقدر اروح واترك خواتي.
فيصل بأستغراب:مافهمت وامك طيب؟.
نادر ناظره:م علمك خالد؟.
خالد ناظر بنادر وتكلم:موضوع يخصك ماحبيت اتكلم مع احد فيه.
فيصل باستغراب اكثر:شسالفه قولوا خوفتوني.
نادر:ابد والله كل مافي الموضوع...........
وقال له عن سالفة امه كامله.
انصدم فيصل وماعرف شيقول.
ف مسك ع ايده:انت قوي ي نادر ودايم بتكون واقف ع رجولك عشان خواتك واحنى أخوانك ومعك واكيد مراح نخليك لوحدك اي شي تبيه كلمني عيوني لك والله.
نادر ابتسم:لا خلى ولا عدم ياجعل عيني م تفقدكم.
طبعًا كان يدق جوال نادر بس كان سايلنت ف م انتبه.
بعد مده تكلم نادر:والحين بالاذن الوقت تاخر وصار لازم ارجع البيت.
فيصل وقف:شرايك اوصلك؟.
نادر وهو يمشي بتعب:شدعوه انا بروح لوحدي.
