#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:40
شد ع ايدها:مب تبيني ارتاح؟راحتي ل شفتها هي واللي تركتنا عشانه تحت التراب عند المها.
بروق برجفه:بعدها وش؟بتنسجن؟بيعدمونك؟وانا طيب م اهمك لذي الدرجه؟.
ضمها لصدره بقوه:حتى لو انجسن لو ايش م يصير مراح ابعد عنك واذا ربي كتب انو نبعد صدقيني مراح يكون الا ع موتي.
بروق ببكي:لا تقولها مابي حتى الموت يبعدك عني لو انتقمت منهم اعرف انك قاعد تذبحني بيدك لان يمكن يعدمونك وتروح مني.
بعدها عن حضنه ومسح دموعها برقه:اشش تدرين وش اكثر شي ممكن يكسرني؟.
ردة بدموع:وش؟.
ناظر بعيونها وشد ع ايدينها:دموعك تكسرني وتبعثرني تكفين لعد تبكين.
مسحت دموعها:انت اللي تبكيني.
ضمها لصدره:اخسيي ازعلك وانزل هالدموع مستحيل احد يزعلك وانا موجود فمابالك لو اللي يزعلك انا؟مستحيل ازعلك يبعد هالدنيا.
بروق بتردد:اللي بينا حب؟.
رد بهدوء:ماعمري جربت الحب لكن معك احس بألف شعور بالثانيه اذا هذا هو الحب ف صدقيني انك اجمل عطايا ربي.
بعدها مسح ع شعرها ومسك ايدها وحطاها ع قلبه:انطقي اسمي وشوفي وش بيصير.
استغربت طلبه بس م اعترضت وقالت بنعومه:نادر؟.
لكن انصدمت وهي تحس بدقات قلبه اللي مثل الطبول.
ناظر فيها وبابتسامه:تعتقدين هذا الحب؟لما شفاتك تنطق باسمي دقاتي تصير مثل الطبول.
ضحكت وضمته.
نادر:تقريبًا اعترفت بمشاعري بس م قلتيلي عن اللي بقلبك لي؟.
ردة وعينها بعينه:تسالني عن شعورًا بقلبي؟
انا بدويه وطحت بحب حضري والواضح هالحضري اخذ القلب مني ولا له نيه يرجعه.
م فهم نادر وبغيره واضحه:ومنهو حبيب القلب اللي سرق قلبك؟.
تكلمت بخجل وهي تدفن راسها بحضنه:انت ي نادر.
ضحك بقوه وماكأنه اللي توه كان معصب وشد ع حضنها بقوه.
