#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:2
تكلم سعود بشوية استغراب:ع طاري بروق ودي اعرف ليه هي اللي دايم ترعى الغنم مع انو ابوها عنده عمال يرعون الغنم بدالها صراحه هالبنت تكسر خاطري.
ردة ميهاف:بس تدري البنت ايه من الجمال وخالقك عيون جسم ملامح وبرائه اهخخ بس.
صرخة امها:ي بنت اصه حرام توصفيها له.
ميهاف:اوف وربي نسيت تحمست وانا اتكلم.
سعود بتفكير:اي والله عن الجمال سمعت كثيرًا يمدحونها لكن يشهد الله انها انسانه كفو محافظتًا ع نفسها م اشوف منها الا طرف رموشها , عاد يمه تصدقين سمعت ان سلطان خطبها وجابر رفض يقول انا م عندي بنات انا عندي ولد.
امه بضيقه:لا تذكرني ي وليدي والله انه كفر ببنته ونسى ان زينت الحياه البنات الله يهديه ويصحى ع اللي يسويه قبل يخسر بنته , والحين يلا قوموا جهزوا شنطكم.
قام كل واحد لغرفته يرتب اغراضه.
-
ب القريه ببيت ابو سلطان.
قام ولقى الكل نايم ضرب بعصايته ع الباب بعصبيه: قوموا ياجعلكن بالماني بقايل قوموا خلصوني الفجر اذن.
طبعًا سُلطان كان صاحي راح باس راس ابوه:ي الغالي لا ترفع ضغطك الحين اصحيهم لك.
طلع ابو سلطان وهو يلعن ابليس.
تنهد سُلطان وراح يصحي اخته واخوه.
محمد بأنزعاج:ياولد ابعد عني خلني انام.
سُلطان بعصبيه:لا بارك الله بعدوك ياولد قم صلاة الفجر قم انقلع قدامي.
قام وهو يتأفف.
اما سمر ف قامت وتوضت وصلت.
-
ع الفجر مشوا عايلة ابو سعود.
وهج حاطه راسها ع القزاز وفكرها يوديها بعيد.
سعود ناظر لها وتنهد:وهج حبيبي ودتس بقهوه؟
وهج بهدوء وصوت بالقوه يطلع:لا.
ميهاف نقزت:تسألها وحن لنا الله اقول حبيبي مر ابي كوفي فاتح ع طريقك ابي اروق احسني مصدعه.
ضربتها لجين ع راسها:ي مخفه اثقلي حشى مخدرات مب قهوه وش هالادمان.
ميهاف بألم:هي يدك وجع اوجعتيني.
نجود بعصبيه:اقسم بالله لو م تسكتون وتعقلون ان لي تصرف ثاني معكم.
كل اللي ب السياره سكت شغل سعود اغاني وكلًا راح لعالمه.
