#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:65
طلع نادر بسرعه متوجه لبيت ماهر.
بعد فتره قصيره وصل.
لكن الحراسه كانت متشدده ع بيته.
نادر بصراخ:نادوليي ماهر.
الحارس بهدوء:ماهر مب موجود لو كان موجود كان قلنالك.
جن جنون نادر وماكان عارف وش يسوي.
رجع للبيت وقعد يعيد الفيد اكثر من مره ولاحظ ان المكان اول مره يشوفه.
قعد يفكر كثير وتفكيره مشوش.
طبعًا لما قام خالد ولقى اتصالات نادر رد عليه وحاول يهديه وقاله انا وفيصل بنحاول نلقاها انت اهدا.
نزل نادر يشوف وين خواته لقى غاده ب الصاله وتفكيرها ب عالم ثاني.
باس راسها وحضنها.
بكت غاده بحضنه وشهقاتها كل مالها تعلى.
نادر بهدوء:اهدي ياروح اخوك شفيك يدنيته؟.
غاده بين شهقاتها:تعبت ي نادر حالنا تغير بيوم وليله وشروق م صارت تطلع وتقعد معي طول وقتها بغرفتها.
كان يحاول نادر انه يهديها لين نامت نزلها بهدوء وغطاها وتوجه لشروق.
مر من عند الغرفه وسمعها تكلم شخص.
فتح الباب وشروق بسرعه خبت الجوال وراها.
ناظر فيها نادر بشك:مين تكلمين!!.
شروق بتلعثمه:صاحبتي.
قرب منها نادر وقعد جمبها:صاحبتك وخفتي هالكثر!.
شروق وهي تحط شعرها وراء اذنها:لا مب خايفه بس استغربت م دقيت الباب.
مسك نادر يدها وبحنيه:لا يجي يوم وتخبين عني شي انا اخوك ياشروق واعرف مصلحتك وين مكانها.
شروق بدموع:نادر تعبنا من هالحاله نبي نسافر نبي نغير جو.
ابتسم نادر:تم ياروح اخوك وين تبين؟.
شروق بفرحه وبين دموعها:صدق!!.
نادر وهو يبوس جبينها:اي صدق انتي بس اختاري.
شروق بفرحه:نبي نروح جده.
نادر وهو ياشر ع عيونه:من عيوني رتبي شنطتك ع بال م تنام غاده شوي وترتب شنطها بكره المغرب بنروح ع جده.
نقزت شروق بفرحه وباست خده وكان بيطلع لكن استوقفه كلمتها.
شروق بتردد:وبروق ماعرفت عنها شي؟.
نادر حاول يتماسك:للاسف كل م احاول اعرف عنها شي احس اني تايه لكن بروق في ودائع الرحمن وربي م يخذل عبده وانا متاكد ان خالد وفيصل بيلقونها.
راحت له شروق وشدة ع ايده:لا تخاف انا عندي امل كبير ب انها ترجع انت بس استودعها ربك.
ابتسم ع كلامها وغير الموضوع:باذن الله يعين اخوك يلا رتبي شنطك انا اعرفك تقعدين سنه لين تخلصين.
ابتسمت وراحت تطلع شنطها وتبداء ترتبهم.
ناظر فيها نادر شوي ابتسم وطلع.
