#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:61
عند ماهر كان قاعد بمكتبه ويهز رجوله بتفكير.
بعد فتره دق الباب وسمح للعامله ب الدخول حطت القهوه وقبل تطلع استوقفها صوته الحاد:وين بروق؟.
مير:هذا بروق بس يبكي ومايطلع من الغرفه.
سكت وطلعت.
رص ع اسنانه بغضب ومايدري وش يسوي.
-
عند نادر بعد م صحى اخذ شاور وصلى الفجر.
خلص وجلس ع سريره والقماش بيده لكن استغرب ان ب نهاية القماش فيه شي مكتوب.
تمعن اكثر وحاول يقراء الخط الصغير اللي مب واضح لكن اللي قدر يقراه:ماني زوجة ماهر.
حاول يفهم كثير وش قصدها ماهي زوجته!.
وماهر قايل انها زوجته وكان يتكلم بثقه!!.
حاول يربط المواضيع براسه وموضوع الشهرين اللي تكلمت عنها بروق لكن بكل مره يصدع من كثر التفكير.
بدل م يزيل همه صار في حيره.
-
عند بروق بغرفتها قاعده ع السرير ونظرها للسقف.
دخل عليها ماهر وجلس بعيد عنها وبهدوء:تصدقين نادر صديق قديم لي وانا مالي قوه ب اني اكسره خذيتك منه لكن شوفت عيني مراح يخليك لي قوليلي قصتكم كيف تعرفتوا ع بعض وش قصة حبكم الصدق تحمست لها.
بروق بشتات والدموع بعيونها:انا ولدة ع يد اب ماقول غير الله يسامحه ع كرهه لي كان يعاملني بطريقه اقول معقوله في اب يكره بنت كذا!.
سمع فيني الشين وصدقه انا مب زعلانه على اللي كان يسويه فيني لكن انا ودي اساله ودي اقوله يابوي كيف صدقة الشين ببنتك!.
بيومها وصله خبر اني مع علاقه ب واحد وهو اخذها فرصه يفتك مني.
رماني ب البر لحالي.
لكن ربي ارسلي نادر واصحابه والنعم فيهم ماقصروا معي ساعدوني.
ونادر استقبلني بشقته وبعد فتره فتحلي بيته.
حسيت معه بحنان الاب اللي م عشته.
نادر غير عن اللي شافتهم عيوني.
ماكذب عليك واقول انه اول حب لي.
لا والله انا حب طفولتي ولد عمي.
نحب بعض من لما كنا نلعب ب الحوش كان يحب يجي ويقعد معي كان يقولي انا بكبر واجي اخذك ونسافر بعيد كان يقولي انه يبي يعوضني عن عيشتي.
والغريب انو كبرنا.
