#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:3
ع الساعه ٨ الصباح وصلوا القريه.
سعود صحى خواته اللي كل وحده نايمه.
ميهاف بنعاس:يمه بنروح ل خالتي ولا جدتي؟.
نجود بتفكير:امم لا بنروح لجدتك والعصر نروح لساميه.
سعود توجه لبيت جدته ولفت انتباهه البنت اللي ترعى الغنم وواضح عليها التعب:يمه من ذي؟.
صرخت لجين بفرحه: ذي بروق وقف تكفى.
نجود بأبتسامه وحنين لبنت اختها:وقف يعيني خل نسلم عليها.
سعود بأبتسامه:سمي يمه.
راح لجهتها ووقف اما بروق ف خافت من السياره اللي وقفت عندها وانصدمت وهي تشوف البنات نازلين ويركضون لها.
ميهاف ضمتها وبروق شدت ع الحضن بقوه:اههخ اشتقت لكم ماتوقعت تجون.
لجين تدف ميهاف:اشتقتي لي انا بس.
وضمتها بقوه بروق بأبتسامه صفراء من التعب:شخبارتس حبيبي.
ردة بصدق وحب:بخير بشوفتتس.
نزلت نجود وضمتها بروق بوله وشوق:شخبارتس يعيني.
نجود:بخير نحمد الله,انتي شخبارتس شخبار امتس طمنيني عنها عساكم بخير؟.
بروق:نحمد الله كلنا بخير وامي مشتاقه لكم حيل.
نجود:والله ماهوب بكثرنا.
بروق بنعومه:تفضلوا ي خاله امي بتنبسط بشوفتكم.
نجود بأعتراض:لا يعين خالتتس بروح ل امي ب العصر ان شاء اجيها.
بروق بتفهم:اللي يريحتس.
نجود بقهر: وش مطلعتس بهالشمس؟,لسى ابوتس ع عوايده م يتوب؟.
بروق اللي معد لها حيل توقف ع رجولها من التعب وبأبتسامه ونعومه:والله ي عيني اني انبسط بهالشغله بالبيت اطفش مافي شي اسويه.
ميهاف بحب:الله يعينك يعيني اصبري يروحي وصدقيني ربي بيعوضك عن كل شي.
بروق نزلت دمعتها من مرارت اللي عايشته بس بسرعه مسحتها وبغصه:والنعم بالله.
نجود:استأذنك حبيبي لطعنا سعود ب السياره وباذن الله ع العصر بمركم.
ودعتها وراحت.
سعود وما ادراكم م سعود خق ع الصوت والنبره اخر مره يذكرها يوم كان عمرها ٨ وانتبه ع دمعتها وانقهر من ابوها ووده يدفنه ب ارضه.
-
سلطان طلع يجيب اغراض ل اهله وانتبه لبروق وهو متلهف لشوفتها لكن حرام يطول ب النظر وهي مب محرم له استغر ربه ورجع البيت.
"معلومه صغيره سلطان وبروق يحبون بعض من كانوا صغار"
دخل ونزل الاغراض عند الباب:يمه ي جنتي وينتس يالغاليه.
جت سُعاد بحب:ياهلا بنور روحي.
باس راسها وبضيقه وامل:يمه ودي اكلمتس بموضوعًا.
