#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:28
وصل نادر بيته ف ودع صاحبه ونزل.
اول م دخل كان البيت هدوء استغرب وصار ينادي خواته:المهااا شروققق هففف بناتتت وينكم!!.
"تعريف ب خوات نادر هم ثلاث غاده عمرها ٢١ والمها ١٩ وشروق ١٧ ولا وحده تشبه الثانيه كل وحده ملامحها تختلف تمامًا."
شوي ونزلوا البنات يركضون وضموه.
نادر براحه:خوفتوني ليه البيت ظلام كذا وين امي؟.
شروق بتعب وهي ماسكه الدمعه:كل وحده بغرفتها خايفين ع ماما م ندري وينها طلعت من الصباح وماترد.
نادر بأستغراب:غريبه امي م تتأخر لهالوقت!.
غاده نزلت هي والمها وراحوا حضنوا اخوهم ويبكون.
نادر وهو يهديهم:اشش يروحي انتي وهي صدقوني انا متأكد انها بخير بس يمكن انشغلت وجوالها مقفل.
المها وهي تبكي بقوه:لا مب مقفل جوالها مفتوح!.
هنا خاف نادر بس م وضح وقال وهو يهديهم:اجل يمكن نسته سايلنت روحوا ناموا وانا بشوف شسالفه.
غاده بعدت عنه شوي ومسكت يده:نادر ابيك شوي بموضوع عادي تطلع معي لبرا شوي؟.
هنا نقزوا المها وشروق بخوف:هيي ليه م تبينا نسمع لا يكون امي فيها شي؟!!.
غاده مالها خلق تناقشهم:امكم مافيها شي والواضح انها باعتكم!.
البنات استغربوا كلامها واللي استغرب اكثر هو نادر!.
ف سحب اخته وطلعوا للحوش.
نادر بصدمه واستغراب:وش الكلام اللي قلتيه جوه؟!.
غاده بدموع:امك باعتنا!!وراحت مع حبيبها متخيل انها تركتنا عشانه!.
نادر بصدمه:هيي وش تقولين!!.
غاده واللي م تبي تبكي:الصباح صحيت ولقيت امي ماسكه شنطتها وحاطه كل ملابسها فيها لما مسكتها وسالتها شفيك م ردت علي وطلعت ركبت مع واحد!!.
نادر واللي مب مصدق ولا حتى مستوعب اللي سمعه:ماني مصدق مستحيل امي تسويها امي تحبنا!!.
غاده ضحكت بقوه:وش اللي تحبنا نادر الشخص اذا حب شخص مستحيل يتركها ف مابالك ب ام تترك عيالها!!.
نادر مشى وهو ساكت ويحاول يوهم نفسه انه ماسمع شي.
-
عند بروق اول م دخلت انصدمت من جمال الشقه صح انها صغيره لكن كانت جدًا جميله كان يزينها اللون الاسود والرمادي لان نادر يحب هاللونين ف كان اغلب الاثاث بذي اللونين.
دخلت اول غرفه وكانت غرفه هاديه فيها سرير بالنص لونوا بينك ويدل ع انو غرفة بنت.
كانت تتفرج بالغرفه وهي مستغربه انو هالغرفه لمين.
لكن م اعطت الموضوع اهميه ودخلت الغرفه الثانيه وكانت ل نادر حرفيًا كل شي كان بالاسود لكن كانت فخمه بمعنى الكلمه راحت للدولاب واخذت هودي بعدها دخلت الحمام وخذت شاور.
