#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:16
تكلمت بروق بهدوء:ابوي يعرف اني بجي عشان كذا حبس امي بالغرفه القديمه سعود انا لازم اروح اطلعها.
سعود بصدمه:بروق اصحي ع نفستس تروحين لها!طيب واذا شافتس احد من اهل القريه!بتموتين عارفه ولا؟!!!.
بروق بضعف بكت:طيب وش اسوي انا تعبت ياسعود والله تعبت من هالظلم امي كل حياتي ودنيتي لو صار فيها شي اموت بعدها والله اموت.
سعود:طيب اهدي قوليلي وين هالغرفه وانا اروح اطلع خالتي واجيتس.
بروق:مراح تعرف مكانها اصلًا انت مب مره تعرف بالقريه.
سعود بتفكير لان كلام بروق صح هو م يعرف شي ب القريه غير بيت جدته القديم وبيت جدته اللي الحين ساكنه فيه وبيت جابر غير ذي البيوت مايعرف شي.
سعود بتفكير:طيب قومي.
وبتنبيه وتحذير:وغطي حتى عيونتس عشان محد يشك فيتس يابروق لو يصير لتس اذى مراح اسامح نفسي.
بروق استغربت من كلامه الاخير لكن م حطت بالها لان كل همها امها!!.
وفعلًا غطت عيونها وضمت يدينها وطلعت وراها.
ركب السياره وبروق وراه ترتجف من الخوف تكلم بحنيه يحاول يهديها:لا تخافين دامي معتس مافي سوء بيمستس ثقي فيني.
هدت شوي وهزت راسها بضعف.
مشى سعود وبروق صارت توصف له الطريق بعد مده تصل ١٠ دقايق وصل المكان اللي وصفته له بروق.
وقف ونظار فيها بتحذير:لا تنزلين مهما صار ومهما سمعتي من صراخ لا تنزلين ابدًا.
اومأت براسها بخوف وسعود نزل.
لف سعود ع جهت الباب حاول يفتحه لكن مقفل ويخاف يكسر الباب ويطلع صوت ف راح ل جهت الشباك وحاول يفتحه.
بروق خافت لما تأخر خافت يكون م لقى امها او يكون صاير شي.
بعد خمس دقايق بروق شجعت نفسها ونزلت لكن لما شافت رجالين ف رجعت ركبت بسرعه.
اما الرجال لما دقق ب البنت عرف انها بروق وكلم اللي جمبه ف الرجال الثاني جاب السياره والاول حاول يمشي بهدوء عشان بروق م تشك.
-
عند سعود بعد محاولات كثيره قدر يفتح الشباك.
حاول يدخل بهدوء لكن الشباك شوي كان صغير عليه ف دخل بصعوبه جدًا.
