#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:30
نادر م كان مستوعب اللي مكتوب كان شوي يضحك وشوي يسكت دموعه تجمدوا م كان قادر يبكي واصلًا هو حالف م يبكي ل اي سبب كان.
قعد بمكانه تقريبًا ساعتين وهو ع نفس وضعيته ويسترجع ايام طفولته وكيف انو هالانسانه كانت لهم مثل الام واكثر وبعد هذا كله تطلع مب امه!.
كسر كلشي وبصراخ:ليتك متي وماقلتي انك مب امنا ليهه ليهه يعني غاده والمها وشروق مب خواتي صدق!!.
يعني انا كنت بدار الايتام!!.
طاح ع الارض من كثر الصدمات.
بعد مده جمع قوته وهو حالف انه يكون لخواته الظهر والسند ويكون معهم دايم.
نزل بهدوء ولقى شروق تبكي.
راح لها وضمها:امي دايم تقول لاتبكين كثير وانتي الحين تبكين.
شروق بصوت متقطع من البكي:ما ماقدر اخاف امي فيها شي.
ضمها اكثر وهو مايدري كيف يعلمهم الموضوع.
طالع فيها بحب ومسح دموعها:مافيها شي نادي خواتي ابيكم بموضوع.
شروق ناظرت فيه بألم:يخص امي؟.
نادر:عيوني؟لاتطولينها روحي نادي خواتي وتعالوا.
وفعلًا قامت شروق تناديهم وبعد ١٠ دقايق كلهم كانوا تحت.
نادر بهدوء:مستحيل اي شي بالدنيا يفرقنا صح؟.
البنات خافوا من سؤاله:نادر فيك شي؟.
نادر وهو يطالع فيهم:م قد استغربتوا انو ليه محد فينا يشبه الثاني او حتى يشبه امي؟.
غاده وهي تحاول تنفي اللي ببالها وبخوف:نادر قاعد ترعبني قول شسالفه.
نادر ناظر فيهم وبعدها تكلم بألم:اول شي اوعدوني مهما صار م نفترق وتبقى علاقتنا مثل قبل وافضل؟.
المها وهي تبكي بقوه:انا عارفه وش تبي تقول.
نادر راح لها وضمها وبعدها قال بتردد وضعف:حنا مب اخوان ونهى وعبدالرحمن مب اهلنا الحقيقين.
هنا بكت المها اكثر وصارت تشهق وتبكي بألم.
اما غاده ف كانت تناظر فيهم بألم بس بدون دموع تكلمت بعكس اللي بقلبها:بس هذا مراح يغير شي احنا بنبقى مع بعض م نحتاج لا ام ولا اب نادر معنا واصلًا هو سندنا دايم وهو ملجانا دايم ف مراح يتغير شي.
