#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:13
ناظرت فيه وقامت لغرفتها نزلت حجابها ورمت نفسها ع السرير وراحت بنوم عميق.
-
جابر يعرف بروق عندها كل شي ب الدنيا ولا امها مستعده تسوي اي شي عشان امها ف راح بيت الجده وسحب ساميه بوسط صراخهم حتى م اهتم انها بدون عبايتها سحبها من شعرها لحد البيت رماها ع الارض ونزل فيها ضرب لين تعب اما ساميه ف تتحسب عليه بداخلها وتبكي الم جسدي والم نفسي.
-
وهج م تحملت اللي يصير بسرعه راحت تدق ع سعود.
سعود:ياهلا والله شخبارتس حبيبي طمنيني كيف خالتي؟.
وهج ببكى:تكفى ي سعود الحقنا جابر بيذبح خالتي.
سعود وقف:ياويلي وش تقولين انتي مجدتس؟.
وهج ببكى اكثر:اهه ياسعود م شفت كيف سحبها حتى عباتها مب لابستها.
سعود:جاي جاي م عليتس.
وهج:كيف تجي وبروق؟.
سعود وهو واقف ويحاول يفكر:ياوهج مدري الحين قفلي انا بشوفلي دبره.
-
طبعًا سعود كان طالع يجيب المملك لكن بعد اللي صار رجع دايركت ع الاوتيل.
دخل وهو يدور بروق بعيونه ولا لقاها عرف انها بغرفتها جلس ع الكنب يفكر وش لازم يسوي.
بعد ساعه ناداها وطلعت له سعود بتعب:لازم ارجع القريه انتي خليك هنا وبأمن عليك بحراس لا تخافين.
بروق واللي انقبض قلبها:امي فيها شي؟.
سعود واللي م يبي يناظر بعيونها ويضعف:لا مافيها شي بس بروح اشوف امور ل اهلي وارجع.
بروق بصراخ:انت كذاب لا تكذب علي طالبتك تجاوبني امي فيها شي؟.
سعود بتنهيده:خذاها جابر والله العالم وش ناوي عليه.
بروق بدموع:هذا كله بسببي قوم يلا بنرجع.
سعود بصدمه:هيي انا برجع لكن انتي بتقعدي هنا!.
بروق بدموع وضعف:مستحيل اقعد هنا بروح معك تكفى يلا قوم قبل يسوي شي ب امي والله م اسامح نفسي.
