#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:69
شروق بنص عين:لا تكون تقصدني.
نادر ببرائه:لا لا ابد الله يسامحك دايم ظالمتني.
شروق ب ابتسامه:اي اشوا كنت احسب الصدق.
بعد مده وقف عند البقاله.
وقف:يالله قولوا وش تبون.
غاده بتفكير:جيبلي ريتا وابي شكولاطات ع ذوقك وابي دريتوس.
نادر لف ع شروق:وانتي؟.
شروق بتفكير:انا بنزل معك.
نادر بتفكير:يلا تمام.
لف ع غاده:باخذ المفتاح واسكر البيبان عليك.
غاده بابتسامة:شدعوه تحسسني بنخطف.
هالطاري ذكره ببروق لكن م تكلم نزل ونزلت وراه شروق.
اما غاده ف كانت تزبط الاغنيه ع البلتوث.
لكن لمحت نفس الرجال اللي خطف بروق.
كانت تناظره بصدمه وتحاول تستوعب اذا هو او لا.
لكن فعلًا طلع نفسه نفس الملامح ونفس بنية الجسم.
ب البقاله.
اخذت شروق اغراضها.
وحطتها عند المحاسبه.
لكن استغربت من الرجال اللي يناظرها بنظرات غريبه.
راحت مسكت ايد نادر بخوف.
نادر برفعة حاجب:عسى ماشر شفيك؟.
شروق بتوتر:ولا شي ها خلصت؟.
نادر وهو يطالع الاغراض يتفقد اذا بقى شي:بقى الموياات خليك هنا بروح اجيبها واجيك.
شروق بنفي:بروح معك.
نادر بشك:شروق شفيك!!.
شروق وهي تلف العبايه زين:بعدين اعلمك الحين يلا خلص.
راح اخذ المويه وشروق معه.
حاسب وطلع.
بعد م ركبوا السياره عطا غاده الاغراض.
ووجه كلامه لشروق:تكلمي شفيك!.
شروق بتردد:شفت هذاك الاسمر اللي رايح سيارته؟.
نادر باستغراب:اي شفيه!.
شروق بخوف:الصدق كان يناظرني بنظرات تخوف.
كان بينزل نادر لكن مسكته غاده وبسرعه تكلمت:نادر هذا نفسه اللي خطف بروق.
انصدم نادر:بروق!! بروق م راحت مع ماهر بإرادتها!!.
غاده بخوف:لا بروق انخطفت واذكر انو هالرجال هو نفسه اللي سحبها.
