#حَكِيك_وَطن_وعيُونك_السُود_مِعَاد
عيناكِ بحرُ تاهت به سُفني,انا الذي لا يهزني برقُ ولا رعدُ,اعينَينِ مُتلالِئة تُهزِمُ ثباتي؟
-
Part:17
-طبعًا الرجال اندس بحكم ان بروق م تنتبه له وعرف انو لو ذي بروق بترجع تنزل عشان تدخل ل امها.
وفعلًا لما تاكدت بروق انو مافي احد ف نزلت بهدوء وتقدمت ناحيت الباب.
لكن م مداها تسوي شي لان الرجال طلع بسرعه وحط المنديل ع بفم بروق لين حس بارتخاء ملامحها وبعدها شاله وحطاها ب السياره.
والسياره مشت بسرعه.
سمع سعود صوت السياره ف خاف وبنفس الوقت يبي يشيل خالته لكن جسمها كله دم وجروح يخاف يشيلها ويالمها.
ف اول شي طلع يتاكد ان بروق بخير لكن لما طلع م لقاها بالسياره جن جنونه وعرف انو السياره اللي جت خذت بروق.
-
flash back
جابر حط عاملين من عماله يراقبوا الغرفه.
جابر:لو بروق جت اللي عليكم تسووه تاخذوها وترموها ب البر فاهمين مابي اي غلط وطبعًا لو سويتوا اللي قلتلكم عليه لكم مكافأه!!!.
انبسطوا العاملين.
الاول:خلاص تمام طيب مراح يكون علينا ضرر او شي؟.
جابر:انتوا اشتغلوا زين واصلًا محد راح يعرف.
ابتسموا ونفذوا كلامه.
back
سعود جن جنونه من كثر التفكير ومايدري وش يسوي ف اول شي سواه كسر باب الغرفه وطلع خالته ركبها بهدوء بعدها ركب وتوجه لبيت جدته.
دق الباب لين فتحت امه.
ولما شافت شكل ساميه طاحت ع الارض تبكي.
طبعًا سعود م عنده وقت يشرح او يقول لهم السالفه ف حط ساميه ع السرير وبسرعه طلع.
لكن وقفته وهج:سعود شفيك مستعجل وين بروق؟.
سعود بتعب:بروق خذاها جابر مدري وينها.
وهج حطت ايدها ع قلبها:كيف ي سعود وانت قلت بتحميها!!!!!!.
سعود بتعب والم:لا تسالني عن شي تكفين اللي فيني وبقلبي مكفيني انا بروح ادورلها ولاني راجع الا وهي معي.
-
عند بروق.
بعد فتره طويله وصلوا البر كانت الساعه حول ال ٥ الفجر.
وقتها بروق كانت صاحيه لكن علي وحمد ربطوها.
"هذي اسماء العاملين".
وصلوا مكان بعيد يبعد عن الشارع الرئيسي وصدق صدق المكان يخوف.
رموا بروق.
ونزل علي لها وقرب منها مره وقال بخبث:ودي استمتع بهالجمال شوي لكن شوفت عينتس الوقت تأخر ولازم ارجع القريه.
بروق بعصبيه واحتقار وصراخ:تفووو عليك وعلى اشكالك اقسم بالله حرام فيك الرجوله روح ي جعل م توصلوا ياجعل ربي ياخذ حقي منك.
قرب منها اكثر وهمس باذنها وبضحكه:كان ودي افكتس لكن بعد اللي قلتيه اثبتي لي انتس قويه وبتفكي يدينتس بنفستس.
مشى وركب السياره وهو يضحك.
اما حمد ف مافيه الحقاره والنذاله نزل وفك يدينها وقال بهدوء:من حقتس تدعين لكن صدقيني مالي دخل واللي اسويه غصب.
