အခန်း (၂၁)
နောက်တော့မှ ဒီ ကြော်ငြာ ပလန်အသစ်ကို ကိုစံလင်းသစ်က ပြောင်းလိုက်တယ်ဆိုတာကို ငါ သိလိုက်ရတယ် ။
" ကိုဆတ်ရိပ်ထင် ကို ဇာတ်ညွှန်းအသစ် စာရွက် ပေးထားပြီးပြီ ထင်နေတာ... မပေးလိုက်ရသေးဘူးပဲ... ကျွန်တော့်ကြောင့် စိတ်အနှောင့်အယှက် ဖြစ်သွားရင် တောင်းပန်ပါတယ်ဗျာ... "
ဒါရိုက်တာအဖွဲ့ဝင် ကိုယ်တိုင်က ငါ့ကို ဒီလို ခခယယ ပြောလာလေတော့ ငါ ဘာမှ ဆက်ပြီး ပြဿနာ မရှာနိုင်တော့ဘူး ။
ဒါပေမယ့် ငါ သိချင်တာလေးတော့ စံလင်းသစ် ကို မေးလိုက်သေးတယ် ။
" ဒါနဲ့ ဇာတ်ညွှန်းစာရွက်အသစ်ကို ကိုစံလင်းသစ် ကျွန်တော့်ဆီ ဘယ်သူက တစ်ဆင့် ပေးခိုင်းခဲ့တာလဲဟင်... "
" ဟိုနှစ်ယောက်ပဲ... သူတို့နှစ်ယောက် သူပေးမယ် ငါပေးမယ်နဲ့ ကျွန်တော့်ဆီက အလုအယက် ယူသွားကြတာ ... "
စံလင်းသစ် က ငါ့ကို ဝေဦးနဲ့ ညီသုတ တို့ဆီကို လှမ်းပြီး လက်ညှိုးထိုးပြတယ် ။
နှစ်ယောက်လုံးက ငါ့ကို မျက်နှာငယ်လေးတွေနဲ့ ကြည့်နေကြတယ် ။
" ဟို... ဟိုလေ... ကျွန်တော်တို့နှစ်ယောက် လုကြရင်းနဲ့ ဇာတ်ညွှန်း စာရွက်က ပြဲသွားတာ... "
ဝေဦးက မျက်နှာငယ်လေးနဲ့ ပြောလာတယ် ။
" ကိုဆတ်ရိပ်ထင် က ဇာတ်ညွှန်းမဖတ်လည်းလုပ်နိုင်မယ်ဆိုတာ ကျွန်တော်တို့က ယုံလို့ မပေးတော့ဘဲ နေလိုက်တာပါ... စာရွက်ကလည်း အစိတ်စိတ်အမွှာမွှာ ပြဲသွားပြီ ဆိုတော့လေ... "
ညီသုတကလည်း လျှာလေး တစ်လစ်ထုတ်ရင်း ငါ့ကို မျက်နှာလုပ်ပြီး ပြောလာတယ် ။
ငါလည်း အဲ့နှစ်ကောင်ကို အပြစ်မတင်ရက်တော့ဘူး ။
အဲ့တာနဲ့ပဲ အဲ့ကိစ္စကို လျှော်ပေးလိုက်ရတော့တယ် ။
အခု ဖြစ်နေတဲ့ ပြဿနာ ငါ့ရင်ထဲက တဒိတ်ဒိတ် ခုန်နေတာပဲ ။
ခုနက အနမ်းကို ငါ အခုထိ မေ့လို့ မရသေးဘူး ။
ပြီးတော့ ရင်တွေ တုန်ပြီး တစ်မျိုးကြီးလည်း ခံစားနေရတယ် ။
CEO က ငါ့ဘေးနား ရောက်လာတယ် ။
ငါက ရှက်နေပါတယ်ဆိုမှ သူက အချိန်ကိုက် ရောက်လာလေတော့ ငါ့မှာ ခြေမကိုင်မိ လက်မကိုင်မိတောင် ဖြစ်သွားရတယ် ။
YOU ARE READING
How to Flirt with a CEO (Completed)
Romantikဒီတစ်လော စာရေးချင်စိတ်ပေါ်နေတာနဲ့ အပျင်းပြေ ရေးထားတာပါ... ဇာတ်လမ်းတိုလေးတွေထဲမှာ ပါတတ်တဲ့ ဗီလိန်ဇာတ်ကောင်က အဓိက ဇာတ်ဆောင်ကို flirt ရမယ့် ပေါ့ပေါ့ပါးပါး အပျော်ဇာတ်လေးပါပဲ...
