အခန်း (၄၅)
ကျော်လင်းည က ကိုစံလင်းသစ် ကို လာတွေ့တယ်ဆိုတာ ငါ လုံးဝ မမျှော်လင့်ထားခဲ့တဲ့ အခြေအနေကြီး ဖြစ်တယ် ။
ဘယ်လိုဖြစ်သွားရတာလဲ ။
ကျော်လင်းည တစ်ယောက် အကြိုက်ပြောင်းသွားတာများလား ။
ဒါမှမဟုတ် ဟိုနေ့ညက ဘားမှာ သူတို့နှစ်ယောက်ပဲ ကျန်တော့ တစ်ခုခုများ ဖြစ်သွားကြတာလား ။
" ကိုကြီး... ကိုစံလင်းသစ် ရဲ့ ရုံးခန်းက ဘယ်မှာလဲဟင်... ညီ သူနဲ့ သွားတွေ့စရာ အကြောင်းလေး ရှိလို့... "
ဘာမှန်းမသိပေမယ့်လည်း ငါ့မှာ မကောင်းတတ်တာကြောင့် လမ်းညွှန်ပေးလိုက်ရတယ် ။
ဒါပေမယ့် ငါ့မှာ သိချင်စိတ်ကို မထိန်းနိုင်တာကြောင့် မေးမိလိုက်တယ် ။
" ဒါနဲ့ ကျော်လင်းည က ကိုစံလင်းသစ် နဲ့ ဘာကိစ္စ ရှိလို့ တွေ့မှာလဲဟင်... "
ကျော်လင်းည က အစက ပြောမလို့ ပြင်လိုက်သေးတယ် ။
ဒါပေမယ့် ကိုဆတ်ရိပ်ထင် ရဲ့ ဘေးနားမှာ ဟိုလူကြီး နေလျှံအာကာ ကို တွေ့လိုက်တာကြောင့် သူ ပြောမယ့် စကားကို တွန့်သွားရတယ် ။
ကိုကြီး ဆတ်ရိပ်ထင် တစ်ယောက်ပဲ ဆိုရင် သူ့အနေနဲ့ ပြောပြဖို့ ကိစ္စမရှိဘူး ဆိုပေမယ့် ဟို နေလျှံအာကာ အရှေ့မှာတော့ သူ ဒီကိစ္စ ကို မပြောပြချင်ဘူး ။
ဒါကြီးက ကိုစံလင်းသစ် ရဲ့ သိက္ခာကို ကျဆင်းစေနိုင်တယ် ။
သူ့ကြောင့် ပထမဆုံး အကြိမ်ကို ပေးဆပ်လိုက်ရတဲ့ လူတစ်ယောက်ကို သူ တန်ဖိုးထားပြီး ဆက်ဆံပေးသင့်တယ်လေ ။
" အာ... ညီ ပြောလို့ မကောင်းတဲ့ ကိစ္စ မို့လို့ပါ ကိုကြီးရာ... ဒါဆို ညီ သွားလိုက်ဦးမယ်နော်... "
ထွက်သွားတဲ့ ကျော်လင်းည ကို ကြည့်ပြီး ငါ့စိတ်ထဲ တော့ နည်းနည်း သင်္ကါမကင်း ဖြစ်မိတယ် ။
ကျော်လင်းည က ကိုစံလင်းသစ် နဲ့ ဇာတ်လမ်း သွားရှုပ်နေတာများလား ။
အမှန်ဆိုရင် ကိုစံလင်းသစ် ကို ငါက နိုင်ထူးသွင် နဲ့ သဘောတူထားရတာလေ ။
အဲ့တာကို ကျော်လင်းည က ငါ့ကို မရတာနဲ့ ကိုစံလင်းသစ် ဆီကို ပြေးကပ်သွားတယ် ဆိုတာကတော့ မဖြစ်သင့်ဘူး ။
" ဒီကောင်က ငါ့သူငယ်ချင်း ကို ဘာတွေ သွားရှုပ်နေပြန်ပြီလဲ မသိဘူး... ပြီးတော့ အဲ့ကောင်ကို ကြည့်ရတာ အမြဲတမ်း သူ့ကုမ္ပဏီက ဘာအလုပ်မှမရှိဘဲ အားနေသလိုပဲနော်... "
YOU ARE READING
How to Flirt with a CEO (Completed)
Romanceဒီတစ်လော စာရေးချင်စိတ်ပေါ်နေတာနဲ့ အပျင်းပြေ ရေးထားတာပါ... ဇာတ်လမ်းတိုလေးတွေထဲမှာ ပါတတ်တဲ့ ဗီလိန်ဇာတ်ကောင်က အဓိက ဇာတ်ဆောင်ကို flirt ရမယ့် ပေါ့ပေါ့ပါးပါး အပျော်ဇာတ်လေးပါပဲ...
