كل سنه وانتوا طيبين ويا رب تبقى سنه سعيده علينا كلنا وربنا يرزقنا فيها بأيام حلوة وسعاده لقلوبنا ولكل حبايبنا..✨❤️
**
ك
ان الجميع يجلس في غرفة الجلوس يشاركوا الحديث فيما بينهم منهم من يخبرهم بموقف كوميدي ومنهم من يخبرهم بموقف حماسي.
كان جو عائلي محبب للجميع عدا "ميار" الغير مبالية وتلقي بكامل تركيزها على هاتفها، و"ساميه" التي تنظر بغيظ إلى "ملك" وبناتها اللاتي يضحكن بسعاده.
-الغبي قعد يلعب بالكشاف في الضلمه لحد ما البطاريه خلصت، ولولا إنه قعد يضرب على الكشاف وراح منور فجأة والديب خاف وجري كان هيبقى شهيد الغباء.
قهقه الجميع على ما أخبرهم به "حمزه" عن ما فعله رفيقه أثناء فترة التدريب لتتحدث "مرام":
-بيفكرني بغباء "منه" لما دخلت علينا الشقه وهي شايله قطه صغيره مليانه براغيت وماما فضلت تصوت علشان تخرجها برا وهي تحضن فيها وتقولها دي حلوة أوي.
-والله كانت كيوت.
صاحت "منه" لترد عليها "مريم" سريعا:
-كيوت إيه ده إحنا فضلنا أسبوع ننضف في الشقه بسببك من كمية البراغيت إللي إنتشرت في البيت.
قهقه الجميع مرة أخرى بينما "منه" تربعت بطفولية متجاهلة الجميع وقهقهاتهم عليها.
-سلام عليكم.
جذب إنتباه الجميع صوت أنثوي لينظر الجميع إلى مصدر الصوت ليجدوا أنها إمرأة غريبة عليهم جميعا، بينما "ملك" وبناتها يعلمن هويتها جيدا.
-"سماح"!
**
جلست "ملك" برفقة بناتها الخمسة في غرفة الجلوس في شقتهم الخاصه مع تلك الضيفة التي تفاجئوا بقدومها لهم بالأخص أن العلاقة بينهم ليست في أفضل حال.
-أتفضلي العصير يا "سماح".
تحدثت "ملك" وهي تشير على كوب العصير الموضوع على الطاولة التي أمامهم، لتتحدث الضيفة بإبتسامة سمجة:
-معلش يا طنط أصل معدتي حساسة الفترة دي، من أقل حاجة ببقى عايزة أرجع، أصلي في أول الحمل، وإنتي أكيد عارفه الفتره دي بتبقى صعبه إزاي.
لكزت "منه" أختها "مرام" بخفة، بينما التوأم نظرن إلى بعضهن ليعودوا بنظرهم إلى الضيفة مرة أخرى، لتتحدث "مريم" بهدوء:
أنت تقرأ
أم البنات
Fiction généraleظنت أن بناتها لن يسألوا عن الماضى، و هى ستكفيهم، و لكن القدر يصمم على نبش الماضى بكل ما به من مشاعر مختلفه.
