ပြန်လည်မွေးဖွားပြီးအကျင့်ပုပ်တဲ့ယောက်မကိုနှိပ်စက်မယ်

chapter 103

Chapter 103 sister in law
Chapter 103December 10, 2023
( ရှန့်ကျန်းတိုက်ချခံလိုက်ရခြင်း)

၀မ်လဲ့ ၏မျက်လုံးတွေက အသက်မရှိသလိုပင်။သူက  ' ဓာတ်ပုံ ' ဆိုသော စကားလုံးကို ကြားလိုက်သောအခါ သူ့အကြည့်တွေက ချက်ချင်းပဲ ပြာယာခတ်သွားသည်။သူ့အိမ်တံခါးဆီကို သူခိုးတစ်ယောက်ကဲ့သို့ ခိုးကြောင်ခိုး၀ှက်လမ်းလျှောက်မသွားခင် ပတ်၀န်းကျင်ကို စိတ်လှုပ်ရှားစွာလှည့်ပတ်ကြည့်လိုက်သည်။

တံခါးဖွင့်လိုက်ပြီးနောက် သူက စုမုန့်နဲ့ ကျန်တဲ့သူတွေကို ၀င်ဖို့ လက်ဟန်ခြေဟန်ဖြင့် ပြသည်။

"မြန်မြန်အထဲ၀င် မြန်မြန်...မဟုတ်ရင် သူမ၀င်လာပြီး ငါတို့ကိုအတူတူတွေ့သွားရင် မင်းတို့တောင် ပြီးသွားလိမ့်မယ်..."

သူပြာယာခတ်နေပုံ ကိုကြည့်ရတာ သူဟန်ဆောင်နေသည့်ပုံတော့ မပေါ်ပေ။

ရှန့်ကျန်းက မျက်မှောင်ကြုတ်လိုက်သည်။သူတို့သဘောတူခဲ့တဲ့ ပုံစံနဲ့ ဘာလို့ ကွဲပြားနေရတာလဲ...ထိုနေ့တွင် သူတို့က ဖုန်းရွှေပြသနာအချို့ကိုဖြေရှင်းရန်သာ လိုအပ်သည်ဟု သူရှင်းရှင်းလင်းလင်း ပြောခဲ့သည်။သို့သော် ယခုပုံစံကြည့်ရသည်မှာ သူက တစ်စုံတစ်ယောက်ရဲ့ ပစ်မှတ်ထားခြင်းကို ခံနေရပုံပေါ်သည်။

ဖုန်းရွှေပြသနာက မှန်သော်လည်း တစ်စုံတစ်ယောက်နှင့် အမှန်တကယ် ပတ်သတ်မှု ရှိနေတယ်ဆိုရင် ပိုက်ဆံမရှာတာက ပိုကောင်းသည်။

ယခင် လူစီ ရဲ့ကိစ္စကနေ သင်ခန်းစာရပြီးနောက် ယခုအချိန်တွင်မူ သူ သတိ၀ီရိယရှိစွာနေခဲ့သည်။သူက အိမ်ထဲသို့ အပြေးအလွှားမ၀င်ပဲ ကိစ္စကိိုဦးစွာမေးရန် စီစဥ်ထားသည်။

" မစ္စတာ၀မ် , သူမဆိုတာ ဘယ်သူလဲ...သူမက မင်းရဲ့ရန်သူလား...ငါတို့ ဖုန်းရွှေပြသနာကိုသာ ဖြေရှင်းရမယ်လို့ အစက သဘောတူခဲ့တာလေ...ငါတို့က လူတွေရဲ့ ရန်ငြှိုးနဲ့ ပတ်သတ်တဲ့ ကိစ္စကို တာ၀န်မယူဘူး...ပြီးတော့ ငါတို့မှာ အဲ့ဒါတွေကို ဖြေရှင်းနိုင်စွမ်းမရှိဘူး..."

" မြန်မြန်၀င်ပါ...မင်းတို့မှာ တစ်ခုခုပြောစရာရှိတယ်ဆိုရင် အထဲကိုအရင်၀င်ပါ...သူမရောက်လာတဲ့အခါအားလုံးပြီးသွားလိမ့်မယ်...မြန်မြန်လုပ်ပါ...သူမမကြာခင် ရောက်လာလိမ့်မယ်..."