الشوق أضرم خافق الكلمِ ... فذوى فؤاد الشعر بالألمِ...
البعد زاد الحزن في كبدي... و غيابكم أدى إلى عدمي...
فَقلوبنا اشتدت مواجعها... و مراكب الأشواق كالحممِ...
أو...
الساعة كاتشير للعاشرة والنصف... ناضت من الفراش كاتكسل بعياء, متوجهة للحمام
نوال: اوووف عييت اربي, اش هادشي واقعلي ياربي؟...(دوشات وهي تخرج بفوطة على راسها وفوطة لاوياها على جسمها, لبسات ووجدات راسها عاد تمات نازلة فالدروج وصوت كعبها العالي كايتسمع فأرجاء القصر)
سيرين:(ضارت حتا لقات ختها اللي نازلة, كاتشوف فيها بعيون مملوءة بالفرح والحب) صباح النور ازين, أش هاد الجمال على الصباح؟
نوال:(تبسمات كعادتها ابتسامة رقيقة) اممم راشقاليك
سيرين: امم ولكن راه بالصح اليوم جيتي زوينة بزاف, شنو باغا تاكلي الأميرة ديالى؟
نوال: غيل ڭلسي أنا ندير الفطور
سيرين: نونوالحبيبة, اليوم كاملو ليك
نوال: (صغرات عينيها فختها)سيرين ؟؟
سيرين:امم(شافت فختها ونضراتها ليها وهي تبتاسم) اوووه أنا عارفة شنو كندير أختي ماكاين لاش تهزي ليا الهم
نوال:(تنهدات مالقات مادير مع ختها) آحر مرة, من بعد خاصك تمشي للمعهد باش تعوضي الأيام اللي كنتي فيهم مريضة
سيرين:(حطات البيض وهي تبتاسم محركة الكرسي باش تڭلس) امم Gut mein Liebling,ودابا يالله نفطرو باش نوجد تاانا راسي
نوال: شنو درتي مع الأستاذة ؟؟
سيرين: مابقاتش غاتجي تزوجات,(قالتها بحزن)
نوال: تلاهيت مع قضيتي ونسيتك والله(شافت ختها كيفاش تبدلو ملامحها مين جبدات موضوع الزواج) سيرين صافي تاني ماتبدايش
