خرج زياد من الكافي متوجه عند صحابو, في حين زيد اللي كمل خدمتو حتا تعاشات العشية عاد مشا عند عائلتو يطل عليهم ومن تما يطلع للدار اللي واخد, أما البنات اللي كانو مجمعين كاياكلو الديسير اللي وجداتو سيرين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جنة: الله أعمتي قلبي كان محرووق وبردتيهلي بهاد الكيكة
سيرين: ههه مسكينة بنتي, مالها؟
جنة: توحشت حبيب قلبي
نوال: الله يمسخك
جنة: والله ايلا داوية معاكم...
رغد:(خرجات عينيها فبنتها) جنة
سيرين: واراه غيل ضاحكة أرغد حتا نتي دايرة عقلك فبرهوشة
جنة: ومالي مانحبش ياك ياك غيل نتوما اللي تحبو ولا كيفاش؟؟
سيرين:(بهمس) سكتي يا بنت الهم دابا تاكلي العصا...
رغد: والله يابنتي وكان نسيقليك الخبار بيلا كتمشيلي مع شي حد تانوريك..
جنة: من نييتك ومالي هبيلة باش يقتلني حبيبي
رغد: واش باغا تحمقني هاد بنت الحرام, باغا تشوهني مع باها..
جنة: واراه غيل خالي واش نتي هبيلة, دويت على زيد شحال هادي ماشفناش, مالك كاتفهمي بطر.... أماما؟
نوال: الله يمسخك أبنتي, ماكاتحشميش
رغد:راني كنقوليك غيل نص عقل وصافي, معضر خالك فيك
سيرين: والا تاني, من نييتك هي غيل ضحكات نتي اللي ماعرفت كيفاش باغاها تكون..
رغد: نتي غيل سكتي بحالها بحالك
جنة: بحالنا بحال الناس مالك
نوال:(مشات تحل الباب اللي كان كايتدق,داخلة مع خوها للدار) هاهوما كايرتاحو وصافي
نائل: السلام عليكم(بابتسامة جذابة)
الكل: عليكم السلام
نوال: كلس ترتاح أخويا
ناائل:(كلس حدا مراتو وسيرين اللي كاتبلقق بحشمة فخوها) ايوا كي جاتكم الدار مزيانة
أنت تقرأ
السعادة قسمة ونصيب❤️🥺
Romansaالشوق أضرم خافق الكلمِ ... فذوى فؤاد الشعر بالألمِ... البعد زاد الحزن في كبدي... و غيابكم أدى إلى عدمي... فَقلوبنا اشتدت مواجعها... و مراكب الأشواق كالحممِ... أو...
