السعادة قسمة ونصيب❤️🥺

❤️🥺71

حفصة:(بلاصات الطوموبيل وهي كاتضحك عليهم) كوني هانيا راك نتي عزيزة عليها

سيرين:(بفرحة) بالصح؟؟

حفصة: ومالي نكدب عليك, هانتي سيليا حبيبة يمان ولا سيرين؟؟

سيليا:(ببكية) سي سي، صااا سي

سيرين:(عنقاتها) صافي صافي احبيبة غاماتبكيش، أجي عندي (تمدات معلقة فيها)

حفصة: قرييدة ههه لقات علامن تدلل

ياسمين:(بضحكة على سيرين وتعاملها الطفولي واللطيف مع سيليا) هانتي إيلا طالبين شي مربية للأطفال غيل خودي معاك هادي

سيرين: نينيني(قلبات وجهها كاتعييب فيها) محسادة

ياسمين: ياختي ماحسدناك غاسكتي أنا راه الصغار يموتو علىيا غاماكنبغيش وصافي

سيرين: امممم باينة نيت(بتاسمات لسيليا اللي عاجباها بتعليقتها وهي تدخل للأوطيل متوجهين للكافي فين كاينة سلوى ويمان)

سلوى:(وقفات معنقة حفصة وياسمين) البنات توحشتكم..

ياسمين:(بالدموع) حتا أنا ختي توحشتك والله

سيرين: خليلي بلاصتي أهاد المسمومة(عنقات سلوى بدورها) خليتي بلاصتك أصاحيبة

سلوى: ههه صافي غاسكتو داابا يجي مول الشي يجري علينا

سيرين:(بمياعة) امم ماتخلينا حتا نعبرو شوي, (شافت يمان كيفاش ڭالس والفرحة مالية وجهو) شوف تيڤي ديالنا صافا عليك؟؟

يمان: سلمات أزين ياكما قنطتي علينا

حفصة: ههه واموحال أخويا

ياسمين: الطريق كاملة وهي موحلة سيليا شكون عزيز واش أنا ولا خوك, ماتهنات حتا دواتها ونتا كتسولها واش قنطات هه

يمان: هاكاك,(شد ختو الصغيرة) القردة ولفات ختها القردة ولا كيفاش؟؟

سيرين:(شافت فحفصة بضحكة) إيوا أخو القردات شنو بانليك؟؟

يمان:(ضحك بفرحة) يالله نفطرو يالله قبل مانتعطلو على الواليدة تصدق ناكراني بسببكم(طلب ليهم الفطور مكملين هضرتهم وضحكم)

عند نوال اللي دوزات تاهي صباحها عادي بين الخدمة والهضرة مع زياد اللي كل دقيقة مصونيلها باش يطمن عليها وعلى صحتها, وكذلك نفس الشي عند الدراري اللي دوزو يومهم فالمركز والخدمة المتراكمة بحيث العائلة اللي تجمعات فدار لالة تويا جدة نعمان بمناسبة صباح البنات ومباركتهم ليهم...
وهاكدا دازو أيام الله وبالضبط أسبوعين بليلها ونهارها وعاداتها الدائمة, اليوم يوم جديد بأحداث جديدة, جنة وجمانة اللي نزلو من الماطر ديال ياسر وعدنان وهوما فرحانات, تحركو الدراري طالعين معاهم لدار نوال وسيرين والفرحة مالئة شفايفهم وقلوبهم النقية