السعادة قسمة ونصيب❤️🥺

🥺❤️67

جنة:(بخوف) ماعرفتش, أنا ماشفتش شنو وقع حيت وصلت معطلة و سيرين كانت فاقدة الوعي ونرجس حتا هي من غير سوسن اللي كانت كاتعافر باش تخرج من الطين وأنا عاونتها

زياد:(بصراخ) ماقلتليكش عاودي الهضرة مية مرة أنا باغي نعرف شنو وقع بالضبط

جنة:(شدات يدين عدنان بقوة كأنها طالباه يدوي ولا يدير شي حاجة) كانحلف ليك أخالي ماعارفة والو من غير الڤيديو اللي وريتكم وهادشي اللي عاودتليكم(شافت فعمتها وعينيها حومر بالدموع) تييقيني أعمتي والله ماعرفت شنو كاين 

ياسر: خالي باركة راه تاهوما ماعارفين والو, واش ماكافياكش حالتهم(شار ليه يناضر البنات)ماشي غيل نتا اللي خايف عليهم حتا حنا خايفين على سيرين وبزاف وحالتنا تبيين ليك كلشي إيلا كنتي باغي تعرف شنو كاين سول الشخص المسؤول(رمق سوسن اللي ناعسة فالكاناپي بنضرات الكره) كلشي باين 

نوال:(حطات يديها بين راسها وهي تالفة ماحيلتها للبنات اللي حالتهم كاتشفي العدو وتقطع فالقلب ولا لسيرين ونرجس اللي ناعسات بعياء وتاوحدة ماعندها الجهد باش تعاود شنو وقع ولا لسوسن اللي خايفين لايضلموها واخا ڭاع الهضرة اللي سمعو من فمها فالتسجيل, جرات زياد من يديه بمعنى تكالما) زياد, خلي البنات يرتاحوعلى كل هوما ماليهم ذنب فشنو وقع

زياد:(بعصبية) نوال بلا ماتزيدي عليهم تانتي, كون ماسكتو هاد الوقت كامل حتا حاجة ماغاتوقع دابا وديك الحالة اللي طرات لختك ماكناش أنوصلو ليها نهائيا

نوال:(بهدوء) عافاك أزياد صافي, تاحد فينا مامن حقو يضلم شي حد ولا يحاسب شي حد دابا, خلي البنات يمشيو يرتاحو وغدا يكون خير

زياد:(مالقا مايدير) أوكي,(وجه كلامو للدراري) طلعو لبيوتكم, ومانبغي تاحد يخرج من بيتو(بحدة)

طلعو الدراري لغرفهم متمنيين تدوز الليلة على خير ويصبح الصباح بأحداث مريحة ليهم ولروحهم اللي تهلكات بالصداع والمشاكيل, في حين نوال اللي بقات مدة طويلة مع زياد كاتكالميه وتهدنو عارفاه ماباغيش يوقع شي مشكيل والبنات تحت مسؤوليتو خاصة أن ختو رغد دابا فالسبيطار بسبب حملها اللي صعاب عليها شوي وسدرة اللي تاهي مشات وخلات موراها ياسر وعدنان, عارفاه محمل نفسو مسؤولية أخطاءهم كاملين بدون إستثناء, وفاهمة أنها تاهي مشوشاليه نص تفكيرو بمرضها وصحتها اللي ماهازاهاش ولو تبان مرتاحة وقادرة تتحمل بزااف إلا أنها عارفة ومتأكدة من أن سلامتها الجسدية والنفسية مستمرة بحبو ليها وتعاونو معاها فالحلوة والمرة...نعسو بزوج فالصالة اللي كانت كبيرة وكل واحد فيهم راد راسو لجهة منتاضرين الصباح على أحر من الجمر...
أما هي اللي كانت كاتهلوس والسخانة دارت فيها المزيان, نطقات بصوت طفولي عيان 

سيرين:(بهلوسة) ز..زيد...زيد

زيد:(قرب لحداها بخوف وعيونو اللي كانت مغمضة تحلات بفرحة حاط يديه على راسها وحرارتها حارقاه) سيرين, أنا هنا..