السعادة قسمة ونصيب❤️🥺

🥺❤️29

زيد: خبار الخير؟؟

نائل: غاتولي خالو تاني ألعشير(بغمزة)

زيد:(شاف فيه وفختو وهو يضحك بعدم تصديق) لااا؟ واااايلي؟؟

البنات:(شافو فيه بمعنى كيفاش, حتا غمزهم محرك ليهم راسو وهو كايفرنس كيف شي حمق) واااااو(نضو كاينقزو)

رغد:(خنزرات فيهم حتا عاودو تبتو حداها) غيل بشوي ادوك الجحشات

زيد:(ناض كايفرنس باغي يمشي يوصل الخبار الزوينة) دعي معاي دعيو معاي يرزقني ربي ونجيب تااأنا شي هدف مع حلالي

لالة رقية:(شافو فيه كايضحكو على هبالو عارفينو طنااز, أما رغد والحاجة اللي حلو فمهم فيه وفكلامو) الله يعفو عليك أولدي ويعطيك غاشي عقييل...

زيد:(مشا متوجه لبرا) أمي الحاجة تاهادي مزيانة, نمشي نوصل هاد لخبار الزينة للناس الزينين, يالله تشااو...

طاح ظلام الليل, وطاولة العشاء كانت واجدة ففيلا الحاجة رقية اللي دور دور وترحب بولدها يوسف وحفيداتها المرضيات, تمات رغد وسيرين نازلات من الدروج وهوما كاضحكو حتا لمحوها ه اللي كالسة كاتخمم فهمها, قربات منها رغد وختها

رغد: اممم عميتو الضرييفة كاتفكر فولد خوها(قربات لودنيها), بانلي حتا هاد البيبي اللي جاي غايخرج قبل من الوقت بسباب هاد الحنان اللي فيك ياختي

سيرين:(شدات فذراع ختها وهي كاتضحك) إيوا حيت عميتو زوينة عليكم تلقايه ماكرهش يخرج دابا نيت 

رغد: ياي(بفرحة) كانفكر لمن غايخرج هادا تاني ياربي مانطلعش غيل مسخرة تاني ياربي...

سيرين:(بطنز) علاش شكون ديمارا الموطور أحبيبة, أكيد غايخرج للي مجهد فيكم غيل كوني هانيا

نائل:(طرطق عينيه فختو وفجرأتها) سيرين,  ياكما طالعة ليك السخانة؟؟(خنزر فيها)

جنة:(بتهكم) مابقيتيش كاتحشمي من الواليد أسيرين ضسرتي أهيا ضسرتي..

سيرين: وعلاش غانحشم منو راه خويا, أصلا قالتلي رغد مانحشمش منو ياك ياك...

رغد:(طرطقات عينيها وشافت فنائل اللي صغر عينيه) أنا؟؟

سيرين: وشكون أنا مثلا, نتي عاد...

جمانة: لالا مايمكنش ماما تقولها أسيرين راك بالصح طلعاتليك السخانة..

سيرين: أهيا دوك الجحمومات بزوج راكم كترتو من سيرين سيرين مابقا لااحترام لا والو(ضارت عند خوها) شوف مع هاد بناتك ألأخ الكريم..

جنة: وانتي اللي قلتي لينا مانعاودوش نقولوليك عمتي ونعييطوليك بسمييتك صافي

جمانة: حيت ماكاترضايش زعما راك باقا صغيرة..